ഐഡിയയുണ്ടോ, വാട്സാപ് തരും 35 ലക്ഷം
Mail This Article
ഇന്ത്യയെ മാറ്റിമറിക്കാനുള്ള കിടിലൻ ഐഡിയയുണ്ടോ, എങ്കിൽ വാട്സാപ് തരും 35 ലക്ഷം രൂപ! കേന്ദ്രസർക്കാരിന്റെ സ്റ്റാർട്ടപ് ഇന്ത്യ പദ്ധതിയും വാട്സാപ്പും ചേർന്നു നടത്തുന്ന ഗ്രാൻഡ് ചാലഞ്ചിലേക്ക് ഇപ്പോൾ അപേക്ഷിക്കാം. മൊത്തം. 1.7 കോടി രൂപയുടെ സമ്മാനങ്ങളാണ് 5 ടീമുകളെ കാത്തിരിക്കുന്നത്.
എങ്ങനെ ?
വ്യക്തികളെന്ന നിലയ്ക്കോ സ്റ്റാർട്ടപ് എന്ന നിലയ്ക്കോ പങ്കെടുക്കാം. ആരോഗ്യം, ഗ്രാമീണ സമ്പദ്വ്യവസ്ഥ, വിദ്യാഭ്യാസം, പൗരന്മാരുടെ സുരക്ഷ തുടങ്ങിയ മേഖലകളിലെ പ്രശ്നങ്ങൾക്കു പുതുതലമുറ സാങ്കേതികവിദ്യകളുപയോഗിച്ച് പരിഹാരം കണ്ടെത്തണം. ആദ്യഘട്ടത്തിൽ 30 എൻട്രികൾ തിരഞ്ഞെടുക്കും. ഇതിൽ നിന്ന് 10 എൻട്രികളെ ലൈവ് പിച്ച് ഇവന്റിലേക്കു ക്ഷണിക്കും. വിശദമായ പ്രസന്റേഷൻ നടത്തണം. ഇതിൽ നിന്ന് തിരഞ്ഞെടുക്കുന്ന അഞ്ചെണ്ണത്തിന് 35 ലക്ഷം രൂപ വീതം ഗ്രാന്റ്.
അവസാന തീയതി: മാർച്ച് 10
ഫലപ്രഖ്യാപനം: മേയ് 24
ഇമെയിൽ: whatsapp-challenge@investindia.org.in
റജിസ്റ്റർ ചെയ്യാം: bit.ly/wpsichallenge