ADVERTISEMENT

നിർധനവിദ്യാർഥികളുടെ ഉപരിപഠനത്തിനുള്ള എൽഐസി സുവർണജൂബിലി സ്കോളർഷിപ്പിന് 24ന് അകം അപേക്ഷിക്കണം. വെബ്സൈറ്റ്: www.licindia.in

സർക്കാർ / സ്വകാര്യ കോളജ്, സർവകലാശാല, സാങ്കേതിക വൊക്കേഷനൽ കോഴ്സുകൾ, എൻസിവിടി ഐടിഐ കോഴ്സുകൾ എന്നിവ  ഈ പദ്ധതിയിൽപ്പെടും. കുടുംബ വാർഷികവരുമാനം ഒരു ലക്ഷം രൂപ കവിയരുത്. മറ്റു വ്യവസ്ഥകൾ:

∙ 60 % മാർക്കോടെ ഈ വർഷം 12–ാം ക്ലാസ് ജയിച്ചവർ. ബിരുദ/ ഡിപ്ലോമ/ സർട്ടിഫിക്കറ്റ് കോഴ്സാകാം.

∙ 60 % മാർക്കോടെ ഈ വർഷം പത്താം ക്ലാസ് ജയിച്ചവർ. ഐടിഐ അടക്കമുള്ള വൊക്കേഷനൽ കോഴ്സുകളാകാം.

∙ പെൺകുട്ടികൾക്കു മാത്രം പ്ലസ്ടു പഠിക്കുന്നതിനും സ്കോളർഷിപ്. 60 % മാർക്കോടെ ഈ വർഷം പത്താം ക്ലാസ് ജയിച്ചവരാകണം. 

കോഴ്സ് തീരുംവരെ വർഷം 20,000 രൂപ മൂന്നു ഗഡുക്കളായി ലഭിക്കും. പ്ലസ്ടു പെൺകുട്ടികൾക്ക് 10,000 രൂപ. പിജിക്കു സഹായമില്ല. 

അപേക്ഷകർ കൂടുതലുണ്ടെങ്കിൽ വരുമാനം കുറഞ്ഞവർക്കു മുൻഗണന. പ്രഫഷനൽ കോഴ്സുകളിൽ മുൻവർഷ പരീക്ഷയ്ക്ക് 55% മാർക്കുണ്ടെങ്കിലേ സ്കോളർഷിപ് തുടർന്നു നൽകൂ. ആർട്സ്, സയൻസ്, കൊമേഴ്സ് കോഴ്സുകളിൽ 50 % മതി. ഒരു കുടുംബത്തിൽ ഒരു കുട്ടിക്കേ സഹായം കിട്ടൂ. വരുമാനം തെളിയിക്കാൻ, സ്വയംതൊഴിലിലേർപ്പെട്ട രക്ഷിതാക്കൾ നോൺ–ജുഡീഷ്യൽ സ്റ്റാംപ് പേപ്പറിൽ സത്യവാങ്മൂലം സമർപ്പിച്ചാൽ മതി. ജോലിയിലിരിക്കുന്നവർ മേലധികാരിയുടെ സർട്ടിഫിക്കറ്റ് ഹാജരാക്കണം. ഭൂമിയുടെ ഉടമസ്ഥാവകാശവും മറ്റും റവന്യൂ അധികൃതർ സാക്ഷ്യപ്പെടുത്തണം.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com