ADVERTISEMENT

ഞാൻ ഒൻപതിൽ പഠിക്കുന്നു. സൈബർ സെക്യൂരിറ്റിയിൽ ഭാവി കണ്ടെത്തണം. ഇതിനു വേണ്ട യോഗ്യതയെന്ത്? എങ്ങനെ, എവിടെ പഠിക്കാം? വിദേശത്തു ജോലിസാധ്യതയുണ്ടോ?

അലീന അനിൽ 
ആലങ്ങാട്

ഒന്നാന്തരം തൊഴിൽസാധ്യതയുള്ള പഠനമാർഗം. മികച്ച പഠനം എംടെക് തലത്തിലാണ്. ഡൽഹി ഐഐടിയിൽ കംപ്യൂട്ടർ സയൻസ് & ഇൻഫർമേഷൻ സെക്യൂരിറ്റി സ്പെഷലൈസേഷനോടെ എംടെക് കംപ്യൂട്ടർ സയൻസ് & എൻജിനീയറിങ് പ്രോഗ്രാമുണ്ട്. കാലിക്കറ്റ് എൻഐടിയിൽ എംടെക് കംപ്യൂട്ടർ സയൻസ് & എൻജിനീയറിങ് (ഇൻഫർമേഷൻ സെക്യൂരിറ്റി) പഠിക്കാം. അലഹബാദ് ഐഐഐടിയിൽ എംടെക് സൈബർ ലോ & ഇൻഫർമേഷൻ സെക്യൂരിറ്റിയുണ്ട്. 

സാധാരണ കംപ്യൂട്ടർ സയൻസ്/ഐടി/ഇലക്ട്രിക്കൽ എൻജിനീയറിങ് ശാഖകളിലൊന്നിൽ ബിടെക് ഉള്ളവർക്കാണു പ്രവേശനം. സമാന പ്രോഗ്രാമുകൾ മറ്റു പലേടത്തും നടക്കുന്നു. എംഎസ്‌സി മാത്‌സ്/സ്റ്റാറ്റിസ്റ്റിക്സ് യോഗ്യതയുള്ളവരെയും പ്രവേശിപ്പിക്കുന്ന സ്വകാര്യ യൂണിവേഴ്സിറ്റിയുമുണ്ട്. കംപ്യൂട്ടർ സയൻസ് എംടെക് പ്രോഗ്രാമുകളിലെല്ലാം തന്നെ സെക്യൂരിറ്റി ഉൾപ്പെടും. ഏതായാലും കംപ്യൂട്ടർ സയൻസ് ബിടെക് മനസ്സിൽ വച്ചു പഠിക്കുക. കുട്ടി ബിരുദതലത്തിലെത്തുമ്പോഴേക്ക് ഈ രംഗത്തു മാറ്റങ്ങൾ പലതും വരും.

കേന്ദ്ര സർക്കാർ സ്ഥാപനമായ കോഴിക്കോട് നാഷനൽ ഇൻസ്റ്റിറ്റ്യൂട്ട് ഓഫ് ഇലക്ട്രോണിക്സ് & ഇൻഫർമേഷൻ ടെക്നോളജി 12 ആഴ്ചത്തെ അഡ്വാൻസ്ഡ് ഡിപ്ലോമ ഇൻ ഇൻഫർമേഷൻ സിസ്റ്റം സെക്യൂരിറ്റി പ്രോഗ്രാം നടത്തുന്നു. ബിടെക്, ബിഎസ്‍സി (കംപ്യൂട്ടർ/ഐടി/ഇലക്ട്രോണിക്സ്), ബിസിഎ, പിജിഡിസിഎ, 3 വർഷ ‍‍ഡിപ്ലോമ (കംപ്യൂട്ടർ/ഐടി/ഇലക്ട്രോണിക്സ്) തുടങ്ങിയ യോഗ്യതയുള്ളവർക്കാണു പ്രവേശനം.

ആഗോളതലത്തിൽത്തന്നെ പ്രചാരമുള്ള മികച്ച ഓൺലൈൻ പരിശീലന സൈറ്റുകൾ വഴിയും പഠിക്കാം. www.udemy.com, www.edx.org, www.coursera.org എന്നിവ ഉദാഹരണം. 

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com