2020ലെ ‘ഹോട്ട് ജോബ്സ്’ എന്തൊക്കെ ?

2020ലെ ‘ഹോട്ട് ജോബ്സ്’ തൊഴിൽ അവസരങ്ങൾ എന്തൊക്കെ ? പ്രഫഷനൽ സോഷ്യൽ നെറ്റ്‍വർക്കിങ് സൈറ്റ് ലിങ്ക്ഡ്ഇന്നിന്റെ ‘2020 എമർജിങ് ജോബ്സ് റിപ്പോർട്ടി’ൽ പറയുന്ന 10ടെക് ജോലികൾ ഇവ: 

ബ്ലോക്ചെയ്ൻ ഡവലപ്പർ: ബ്ലോക്ചെയിൻ സാങ്കേതികവിദ്യയുമായി ബന്ധപ്പെട്ട് പ്രോട്ടോക്കോൾ, ആർക്കിടെക്ചർ രൂപകൽപന.

∙ സ്കിൽ: ഹൈപ്പർലെഡ്ജർ, സോളിഡിറ്റി, നോഡ്.ജെഎസ്, സ്മാർട് കോൺട്രാക്റ്റ് 

ആർട്ടിഫിഷ്യൽ ഇന്റലിജൻസ് സ്പെഷലിസ്റ്റ്: മനുഷ്യനെ പോലെ യന്ത്രങ്ങളെയും ചിന്തിക്കാനും പ്രവർത്തിക്കാനും പഠിപ്പിക്കുക. യുഎസിലെ ഹോട്ടസ്റ്റ് ജോബ്.

∙ സ്കിൽ: മെഷീൻ ലേണിങ്, ഡീപ് ലേണിങ്, ടെൻസർഫ്ലോ, പൈത്തൺ, നാച്വറൽ ലാംഗ്വിജ് പ്രോസസിങ്

ജാവാസ്ക്രിപ്റ്റ് ഡവലപ്പർ: വെബ്സൈറ്റ് നിർമാണത്തിൽ ജാവാസ്ക്രിപ്റ്റ് പ്രോഗ്രാമിങ്, ഡവലപ്മെന്റ്

∙ സ്കിൽ: ആംഗുലർ ജെഎസ്, റിയാക്ട് ജെഎസ്, റിയാക്ട് നേറ്റീവ്, മോംഗോ ഡിബി

റൊബോട്ടിക് പ്രോസസ് ഓട്ടമേഷൻ കൺസൽറ്റന്റ്: ആവർത്തന വിരസ ജോലികൾ ചെയ്യാൻ സോഫ്റ്റ്‍വെയർ റോബട്ടുകളെ (ബോട്ട്) രൂപപ്പെടുത്തുക.

∙ സ്കിൽ: യുഐപാത്ത്, ഓട്ടമേഷൻ എനിവേർ, ബ്ലൂ പ്രിസം, പ്രോസസ് ഓട്ടമേഷൻ, എസ്ക്യുഎൽ

ബാക്ക് എൻഡ് ഡവലപ്പർ: വെബ് ആപ്ലിക്കേഷന്റെ അണിയറ സാങ്കേതികകാര്യങ്ങളുടെ വികസനം. 

∙ സ്കിൽ: നോഡ്.ജെഎസ്, മോംഗോ ഡിബി, ജാവാസ്ക്രിപ്റ്റ്;ഡിജാൻഗോ, മൈഎസ്ക്യുഎൽ

ഗ്രോത്ത് മാനേജർ: ഉൽപന്നത്തിന് പരമാവധി ഉപയോക്താക്കളെ കണ്ടെത്താൻ തന്ത്രങ്ങൾ മെനയുക.

∙ സ്കിൽ: ബിസിനസ് ഡവലപ്മെന്റ്, ടീം മാനേജ്മെന്റ്, മാർക്കറ്റ് റിസർച്, ഡിജിറ്റൽ മാർക്കറ്റിങ്

സൈറ്റ് റിലയബിലിറ്റി എൻജിനീയർ: കമ്പനികളുടെ ഡിജിറ്റൽ അടിസ്ഥാനസൗകര്യ പരിപാലനം, മൈഗ്രേഷൻ എന്നിവ ഉൾപ്പെടും.

∙ സ്കിൽ: ആമസോൺ വെബ് സർവീസസ്, ആൻസിബൾ, ഡോക്കർ പ്രൊ‍‍ഡക്ട്സ്, കൂബർനെറ്റിസ്

കസ്റ്റമർ സക്സസ് സ്പെഷലിസ്റ്റ്: ഉപയോക്താക്കളുടെ ആവശ്യങ്ങൾ മനസ്സിലാക്കി നിറവേറ്റാൻ കമ്പനിയെ പ്രാപ്തമാക്കുക.

∙ സ്കിൽ: കസ്റ്റമർ റിലേഷൻഷിപ് മാനേജ്മെന്റ്, ടീം മാനേജ്മെന്റ്, സോഫ്റ്റ്‍വെയർ ആസ് എ സർവീസ് (SaaS)

ഫുൾ സ്റ്റാക് എൻജിനീയർ: വെബ് ആപ്ലിക്കേഷൻ വികസിപ്പിക്കുമ്പോൾ ഫ്രണ്ട് എൻഡും ബാക്ക് എൻഡും ഒരുപോലെ കൈകാര്യം ചെയ്യാനാകണം.

∙ സ്കിൽ: ആംഗുലർ ജെഎസ്, നോഡ് ജെഎസ്, ജാവാസ്ക്രിപ്റ്റ്, റിയാക്ട് ജെഎസ്, മോംഗോഡിബി

റോബോട്ടിക്സ് എൻജിനീയർ: റോബോട്ടിക് സോഫ്റ്റ്‍വെയറുകളുടെ രൂപകൽപന, കോഡിങ്.

∙ സ്കിൽ: റൊബോട്ടിക് പ്രോസസ് ഓട്ടമേഷൻ, യുഐപാത്ത്, ബ്ലൂ പ്രിസം, റൊബോട്ടിക്സ്