പ്രതിമാസം ഒന്നേകാൽ ലക്ഷം രൂപ; ഇൻസ്പയർ ഫാക്കൽറ്റി ഫെലോഷിപ്പിന് അപേക്ഷിക്കാം

പ്രതിമാസം ഒന്നേകാൽ ലക്ഷം രൂപയും, പ്രതിവർഷം ഏഴു ലക്ഷം രൂപ ഗവേഷണ ഗ്രാന്റും നൽകി, ഗവേഷണം പ്രോത്സാഹിപ്പിക്കുന്ന കേന്ദ്രപദ്ധതിയിലേക്ക് ഈ മാസം 10 വരെ ഓൺലൈനായി അപേക്ഷിക്കാം. 5 വർഷം വരെ സഹായം ലഭിക്കാം. കേന്ദ്ര ശാസ്ത്രസാങ്കേതിക വകുപ്പ് പദ്ധതിയായ ഇൻസ്പയറിന്റെ ഭാഗമാണിത് (INSPIRE: Innovation in Science Pursuit for Inspired Research).

സയൻസ്, മാത്‌സ്, എൻജിനീയറിങ്, ഫാർമസി, മെഡിസിൻ, കാർഷികവിഷയങ്ങൾ ഇവയൊന്നിലെ പിഎച്ച്ഡിയും ഒന്നാന്തരം അക്കാദമികചരിത്രവും വേണം. പിഎച്ച്ഡി തീസിസ് സമർപ്പിച്ചവർക്കും ജോലിയിലിരിക്കുന്നവർക്കും അപേക്ഷിക്കാം. 

2020 ജനുവരി ഒന്നിന് 27–32 വയസ്സ്. പട്ടിക / ഭിന്നശേഷി വിഭാഗക്കാർക്ക് യഥാക്രമം 35 / 42 വരെ. നേരിട്ടുള്ള അപേക്ഷയ്ക്കു പുറമേ സർവകലാശാലകളടക്കമുളള ഗവേഷണാലയങ്ങളുടെ നാമനിർദേശത്തിനും സൗകര്യമുണ്ട്. www.online-inspire.gov.in

English Summary: INSPIRE Faculty Fellowship