KAS അന്തിമ പട്ടിക: 64 പേർ പുറത്ത്

കേരള അഡ്മിനിസ്ട്രേറ്റീവ് സർവീസ് ഓഫിസർ നിയമനത്തിന് ഫൈനൽ പരീക്ഷയ്ക്കു തിരഞ്ഞെടുക്കപ്പെട്ടവരുടെ അന്തിമ പട്ടിക പിഎസ്‍സി പ്രസിദ്ധീകരിച്ചു. 

സ്ട്രീം–1 ൽ 2,126 പേരെയും സ്ട്രീം–2 ൽ 1,018 പേരെയുമാണ് അന്തിമ പട്ടികയിൽ ഉൾപ്പെടുത്തിയിരിക്കുന്നത്. ഓഗസ്റ്റിൽ പ്രസിദ്ധീകരിച്ച ഷോർട് ലിസ്റ്റിൽ 3,208 പേരെയാണ് (സ്ട്രീം–1 ൽ 2160, സ്ട്രീം–2 ൽ 1048 വീതം) ഉൾപ്പെടുത്തിയിരുന്നത്. 

ഈ വർഷം ഫെബ്രുവരി 22 നായിരുന്നു പ്രാഥമിക പരീക്ഷ. തുടർന്നു യോഗ്യതാ രേഖകളുടെ പരിശോധനയ്ക്കും ഉത്തരക്കടലാസ് സൂക്ഷ്മപരിശോധനയ്ക്കും ശേഷമാണ് അന്തിമ പട്ടിക പ്രസിദ്ധീകരിച്ചത്. കേസ് നിലവിലുള്ളതിനാൽ സ്ട്രീം–3 ന്റെ പട്ടിക പ്രസിദ്ധീകരിക്കുന്ന കാര്യത്തിൽ വ്യക്തതയായിട്ടില്ല. 

മെയിൻ പരീക്ഷാ ഷെഡ്യുൾ: നവംബർ 20 രാവിലെ 9.30 മുതൽ 12.00 വരെ (പേപ്പർ 1), ഉച്ചകഴിഞ്ഞ് 1.30 മുതൽ 4.00 വരെ (പേപ്പർ 2), 21 നു രാവിലെ 9.30 മുതൽ 12.00 വരെ (പേപ്പർ 3). 

English Summary: Kerala Administrative Service Rank List