ഇന്ത്യയിൽ സ്വകാര്യ പങ്കാളിത്തത്തോടെ നിർമിച്ച ആദ്യ വിമാനത്താവളം ഏത്?
Mail This Article
∙കൊച്ചി രാജ്യാന്തര വിമാനത്താവളത്തിന്റെ ഔദ്യോഗിക ഉദ്ഘാടനം രാഷ്ട്രപതി കെ.ആർ. നാരായണൻ നിർവഹിച്ചു (1999). ഇന്ത്യയിൽ സ്വകാര്യ പങ്കാളിത്തത്തോടെ നിർമിച്ച ആദ്യ വിമാനത്താവളം.
∙പത്രപ്രവർത്തനത്തിലെ ധീരതയുടെ പ്രതീകമായ സ്വദേശാഭിമാനി രാമകൃഷ്ണപിള്ള നെയ്യാറ്റിൻകരയിൽ ജനിച്ചു (1878). ദിവാൻ പി. രാജഗോപാലാചാരിയുടെ നയങ്ങളെ വിമർശിച്ചതിന്റെ പേരിൽ 1910 ൽ തിരുവിതാംകൂറിൽ നിന്നു നാടുകടത്തപ്പെട്ടു.
∙ആർ. ബാലകൃഷ്ണപിള്ളയുടെ വിവാദമായ 'പഞ്ചാബ് മോഡൽ' പ്രസംഗം എറണാകുളം രാജേന്ദ്ര മൈതാനിയിൽ (1985). തുടർന്ന് അദ്ദേഹത്തിനു മന്ത്രിസ്ഥാനം രാജി വയ്ക്കേണ്ടി വന്നു.
∙കേരളത്തിൽ ഏറ്റവും കുറഞ്ഞ പ്രായത്തിൽ മന്ത്രിയായ കോൺഗ്രസ് നേതാവ് രമേശ് ചെന്നിത്തല ജനിച്ചു (1956). കെപിസിസി അധ്യക്ഷനും പ്രതിപക്ഷ നേതാവുമായി.
∙ഗാന്ധിജിയുടെ ഇന്ത്യയിലെ ആദ്യ ആശ്രമം അഹമ്മദാബാദിലെ കൊച്ചറാബിൽ ആരംഭിച്ചു (1915). 1917 ൽ ഇതു സബർമതി തീരത്തേക്കു മാറ്റി.
∙ഗൾഫ് രാജ്യങ്ങളുടെ രാഷ്ട്രീയ -സാമ്പത്തിക സഹകരണം ലക്ഷ്യമിട്ട് ഗൾഫ് കോഓപ്പറേഷൻ കൗൺസിൽ (GCC)നിലവിൽ വന്നു (1981). സൗദി അറേബ്യ, യുഎഇ, കുവൈറ്റ്, ഖത്തർ, ബഹ്റൈൻ, ഒമാൻ എന്നിവയാണ് അംഗരാജ്യങ്ങൾ.
English Summary: Exam Guide - May 25 - Today in history