ബിരുദ പഠനം വിദേശത്താണോ?; പഠനച്ചെലവ് മുഴുവൻ വഹിക്കും ഈ സ്കോർഷിപ്പുകൾ

ചോദ്യം: 10, +2 പഠനശേഷം വിദേശപഠനത്തിനു പൂർണ സാമ്പത്തികസഹായം കിട്ടുന്ന സ്കോളർഷിപ്പുകളുണ്ടോ ?

കെ.എം. രഞ്ജിത്ത്

ഉത്തരം: ബിരുദ പഠനത്തിനു താരതമ്യേന സ്കോളർഷിപ്പുകൾ കുറവാണ്. ചില പ്രധാന സ്കോളർഷിപ്പുകൾ ചുവടെ: 

മുഴുവൻ ചെലവുകളും വഹിക്കുന്നവ:

∙ ടാറ്റ- കോർണെൽ യൂണിവേഴ്സിറ്റി സ്കോളർഷിപ്: യുഎസിലെ കോർണെൽ സർവകലാശാലയിൽ യുജി/പിജി പഠനത്തിന്. http://admissions.cornell.edu/apply / international - students/tata-scholarship

∙ വെൽസ്മൗണ്ടൻ സ്കോളർഷിപ്: യുകെ, യുഎസ്. യൂറോപ്പ്, ഓസ്ട്രേലിയ എന്നിവിടങ്ങളിലൊഴികെ. wellsmountain initiative.org

∙ ലെസ്റ്റർ ബി. പിയേഴ്സൻ ഇന്റർനാഷനൽ സ്കോളർഷിപ്: കാനഡയിലെ ടൊറന്റോ സർവകലാശാലയിലേക്ക്. https://future. utoronto.ca

∙ ടർക്കിഷ് ഗവ. സ്കോളർഷിപ്: തുർക്കിയിൽ വിവിധ വിഷയങ്ങളിൽ ഉപരിപഠനത്തിന്. https://turkiyeburslari gov.tr

ഭാഗിക സ്കോളർഷിപ്പുകൾ:

∙ ഇന്ത്യ 4 ഇയു: വിവിധ യൂറോപ്യൻ രാജ്യങ്ങളിൽ ബിരുദ പഠനത്തിന്. http://www.india4eu/scholarships

∙ ഓക്സ്ഫഡ് & കേംബ്രിജ് സൊസൈറ്റി ഓഫ് ഇന്ത്യ: www.oxbridge.com

∙ ചൈനീസ് ഗവ. സ്കോളർഷിപ്: http://id.china- embassy org

മിക്ക വിദേശ സർവകലാശാലകളിലും യുജി പഠനത്തിന് ഒട്ടേറെ ഭാഗിക സ്കോളർഷിപ്പുകളുണ്ട്. GREAT Scholarships, Creative Economy Schorships എന്നിവ ബ്രിട്ടിഷ് കൗൺസിൽ ഏർപ്പെടുത്തിയിട്ടുണ്ട്.

മറ്റു ചില സ്കോളർഷിപ്പുകൾ: ഷെഫീൽഡ് സർവകലാശാല (www.sheffield. ac.uk), യൂണിവേഴ്സിറ്റി കോളജ് ഡബ്ലിൻ (https://www.ucd.ie), സസക്സ് സർവകലാശാല (www.sussex.ac.uk), കാൽഗറി സർവകലാശാല (www.ucalgary. ca)

ട്യൂഷൻ ഫീ ഇല്ലാതെയോ കുറഞ്ഞ ട്യൂഷൻ ഫീസിലോ പഠിക്കാവുന്ന രാജ്യങ്ങളുണ്ട്. ജർമനി, നോർവേ, ഫ്രാൻസ്, തയ്‌വാൻ, പോളണ്ട്, ബൽജിയം, മെക്സിക്കോ, ചെക്ക് റിപ്പബ്ലിക് എന്നിവ ഉദാഹരണങ്ങൾ.

English Summary: Full and Half Scholarship For UG Programmes Abroad