സാമ്പത്തിക പിന്നാക്ക സംവരണം: 10% സംവരണം ലഭിക്കാനുള്ള മാനദണ്ഡങ്ങളുടെ ചുരുക്കമിങ്ങനെ..

HIGHLIGHTS
  • സാമ്പത്തിക പിന്നാക്ക സംവരണം ലഭിക്കാൻ പാലിക്കേണ്ട വ്യവസ്ഥകൾ എന്തെല്ലാമാണ്?
career-b-s-warrier-changes-in-reservation-for-economically-weaker-sections-government-order-
Photo Credit : ESB Professional / Shutterstock.com
SHARE

മെ‍ഡിക്കൽ പ്രവേശനത്തിന് അഖിലേന്ത്യാ ക്വോട്ടയിൽ 8 ലക്ഷവും കേരള സംസ്ഥാന ക്വോട്ടയിൽ 4 ലക്ഷവും ആണ് വരുമാനപരിധി എന്നു കണ്ടു. കേരളത്തിലെ പ്രവേശനത്തിന് സാമ്പത്തിക പിന്നാക്ക സംവരണം ലഭിക്കാൻ പാലിക്കേണ്ട വ്യവസ്ഥകൾ എന്തെല്ലാമാണ്?

മുന്നാക്ക വിഭാഗങ്ങളിൽ സാമ്പത്തികമായി പിന്നാക്കം നിൽക്കുന്നവർക്കുള്ള 10% സംവരണം ലഭിക്കാനുള്ള കേരളത്തിലെ മാനദണ്ഡങ്ങളുടെ ചുരുക്കമിങ്ങനെ:

∙ സംവരണ വിഭാഗത്തിൽ പെടരുത്.

∙ കുടുംബ വാർഷിക വരുമാനം 4 ലക്ഷം രൂപയിൽ കവിയരുത്. ആശ്രയിച്ചു കഴിയുന്ന 18 വയസ്സു കവിഞ്ഞവരും കുടുംബത്തിൽപ്പെടും.

∙  ഇനിപ്പറയുന്നവ വരുമാനത്തിൽ ഉൾപ്പെടുത്തില്ല – മുനിസിപ്പാലിറ്റി/കോർപറേഷൻ പ്രദേശങ്ങളിലെ പരിധി നിർണയിച്ച ഹൗസ് പ്ലോട്ടുകളിൽ നിന്നുള്ള കാർഷിക വരുമാനം, കുടുംബ പെൻഷൻ, തൊഴിലില്ലായ്മ വേതനം, ഉത്സവബത്ത, വിരമിക്കൽ ആനുകൂല്യങ്ങൾ, യാത്രാബത്ത.

∙  കുടുംബ ഭൂസ്വത്ത് പഞ്ചായത്തിൽ രണ്ടര ഏക്കർ കവിയരുത്. മുനിസിപ്പാലിറ്റിയിൽ 75 സെന്റും, കോർപറേഷനിൽ 50 സെന്റും. സംസ്ഥാനത്തിനു പുറത്തുള്ളവയടക്കം എല്ലാത്തരം ഭൂമിയും ഇതിലുൾപ്പെടും.

∙ ഹൗസ്–പ്ലോട്ടിന്റെ വിസ്തൃതി മുനിസിപ്പാലിറ്റിയിൽ 20 സെന്റ് കവിയരുത്. കോർപറേഷനിൽ 15 സെന്റും.

∙  Anthyodaya Annayojana (AAY)/ Priority House Holds (PHH) വിഭാഗങ്ങളിൽപ്പെടുന്ന റേഷൻ കാർഡുകാരെ മറ്റു മാനദണ്ഡങ്ങൾ നോക്കാതെ സാമ്പത്തിക പിന്നാക്കമായി കരുതും.

∙  അപേക്ഷിക്കുന്നതിനു തൊട്ടുമുൻപുള്ള സാമ്പത്തിക വർഷത്തെ വരുമാനമാണു പരിഗണിക്കുക.

∙  ന്യൂനപക്ഷ പദവിയില്ലാത്തതും മറ്റു പിന്നാക്ക വിഭാഗങ്ങൾക്കു സംവരണമുള്ളതുമായ വിദ്യാഭ്യാസ സ്ഥാപനങ്ങളിൽ 10% സംവരണം ലഭിക്കും.

∙  ഉദ്യോഗ നിയമനത്തിനും ഈ മാനദണ്ഡങ്ങൾ പാലിക്കും

∙  3 വർഷം കൂടുമ്പോൾ മാനദണ്ഡങ്ങൾ പരിശോധിച്ച്, ആവശ്യമെങ്കിൽ മാറ്റം വരുത്തും.

പൂർണവിവരങ്ങൾ 2020 ഫെബ്രുവരി 12ലെ G.O(P)No. 2/2020/P & ARD എന്ന സർക്കാർ ഉത്തരവിലുണ്ട്.

Content Summary : Changes in reservation for Economically Weaker Sections (EWS) - Government Order 

ഐഎഎസ് /ഐപിഎസ് പരീക്ഷകൾക്ക് ഒരുങ്ങാം ഓൺലൈനായി. കൂടുതൽ വിവരങ്ങൾക്കായിസന്ദർശിക്കൂ

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN CAREER GURU
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

മിന്നൽ മുരളി 2 ഉണ്ടാകും: ആദ്യമായി പ്രതികരിച്ചു ബേസിലും ടോവിനോയും| Tovino, Basil, Guru| Minnal Murali

MORE VIDEOS
FROM ONMANORAMA