സിപെറ്റിൽ പഠിക്കാം പ്ലാസ്റ്റിക്സ് എൻജിനീയറിങ്; ജൂൺ 5 വരെ അപേക്ഷിക്കാം
Mail This Article
പ്ലാസ്റ്റിക്സ് പഠനരംഗത്ത് ഇന്ത്യയിലെ മുൻനിരസ്ഥാപനമാണ് കേന്ദ്ര കെമിക്കൽ–രാസവള മന്ത്രാലയത്തിന്റെ നിയന്ത്രണത്തിൽ ചെന്നൈ ആസ്ഥാനമായി കൊച്ചി, മധുര, മൈസൂരു, ഹൈദരാബാദ് ഉൾപ്പെടെ രാജ്യത്തെ 28 കേന്ദ്രങ്ങളിൽ പ്രവർത്തിക്കുന്ന സിപെറ്റ് (സെൻട്രൽ ഇൻസ്റ്റിറ്റ്യൂട്ട് ഓഫ് പെട്രോകെമിക്കൽസ് എൻജിനീയറിങ് & ടെക്നോളജി). cipet.gov.in & eadmission.cipet.gov.in സിപെറ്റിന്റെ ഏതാനും കോഴ്സുകളിലേക്കുള്ള പ്രവേശനത്തിന് ജൂൺ 5 വരെ അപേക്ഷിക്കാം. അപേക്ഷാഫീ 500 രൂപ; പട്ടികവിഭാഗം 250 രൂപ. കംപ്യൂട്ടർ ഉപയോഗിച്ചുള്ള ജോയിന്റ് എൻട്രൻസ് പരീക്ഷ ജൂൺ 19ന് കേരളത്തിലുൾപ്പെടെ നടത്തും. പരീക്ഷാകേന്ദ്രങ്ങൾ പിന്നീടറിയിക്കും.
പ്രോഗ്രാമുകൾ
1) ഡിപ്ലോമ: പ്ലാസ്റ്റിക്സ് ടെക്നോളജി / പ്ലാസ്റ്റിക്സ് മോൾഡ് ടെക്നോളജി - 3 വർഷം, എസ്എസ്എൽസിക്കാർക്ക്. സെമസ്റ്റർ ഫീ 16,700 രൂപ.
2) പോസ്റ്റ് ഡിപ്ലോമ ഇൻ പ്ലാസ്റ്റിക്സ് മോൾഡ് ഡിസൈൻ (കാഡ്–കാം) : ഒന്നര വർഷം. പ്രവേശനത്തിന് മെക്കാനിക്കൽ, പ്ലാസ്റ്റിക്സ്, പോളിമർ, ടൂൾ, ടൂൾ & ഡൈ–മേക്കിങ്, പ്രൊഡക്ഷൻ, മെക്കട്രോണിക്സ്, ഓട്ടോ, െപട്രോകെമിക്കൽസ്, ഇൻഡസ്ട്രിയൽ, ഇൻസ്ട്രുമെന്റേഷൻ ഇവയൊന്നിലെ ത്രിവത്സര ഡിപ്ലോമ അഥവാ സിപെറ്റിലെ ഡിപിഎംടി / ഡിപിടി വേണം. സെമസ്റ്റർ ഫീ 20,000 രൂപ.
3) പിജി ഡിപ്ലോമ : പ്ലാസ്റ്റിക്സ് പ്രോസസിങ് & ടെസ്റ്റിങ് – 2 വർഷം. സയൻസ് ബിരുദമുള്ളവർക്ക്. സെമസ്റ്റർ ഫീ 20,000 രൂപ. യോഗ്യതാപരീക്ഷയുടെ ഫലം പ്രതീക്ഷിച്ചിരിക്കുന്നവർക്കും അപേക്ഷിക്കാം. പ്രായപരിധിയില്ല. അപേക്ഷാരീതി, എൻട്രൻസ് പരീക്ഷയുടെ ഘടന, ഓരോ സ്ഥാപനത്തിലെയും കോഴ്സ് വിവരങ്ങൾ മുതലായവയ്ക്കു സൈറ്റ് നോക്കാം. കൊച്ചി കേന്ദ്രം : ഡിപ്ലോമ: പ്ലാസ്റ്റിക്സ് ടെക്നോളജി / പ്ലാസ്റ്റിക്സ് മോൾഡ് ടെക്നോളജി എന്നീ 2 പ്രോഗ്രാമുകളുണ്ട്. CIPET, Edayar Road, Near Premier Junction, Kalamassery - 683501; ഫോൺ: 8129497182, kochi@cipet.gov.in.
Content Summary : Apply Now For CIPET Plastic Engineering Course