പ്രായം പ്രശ്നമല്ല, ഡിപ്ലോമ കോഴ്സുകൾ ചെയ്യാം സിപെറ്റിൽ; അപേക്ഷിക്കാം ജൂൺ 5 വരെ
Mail This Article
പ്ലാസ്റ്റിക്സ് പഠനരംഗത്ത് ഇന്ത്യയിലെ മുൻനിരസ്ഥാപനമാണ് കേന്ദ്ര കെമിക്കൽ–രാസവള മന്ത്രാലയത്തിന്റെ നിയന്ത്രണത്തിൽ ചെന്നൈ ആസ്ഥാനമായി കൊച്ചി, മധുര, മൈസൂരു, ഹൈദരാബാദ് ഉൾപ്പെടെ 28 കേന്ദ്രങ്ങളിൽ പ്രവർത്തിക്കുന്ന സിപെറ്റ് (സെൻട്രൽ ഇൻസ്റ്റിറ്റ്യൂട്ട് ഓഫ് പെട്രോകെമിക്കൽസ് എൻജിനീയറിങ് & ടെക്നോളജി–cipet.gov.in & eadmission.cipet.gov.in)
സിപെറ്റിന്റെ ഏതാനും കോഴ്സുകളിൽ പ്രവേശനത്തിന് ജൂൺ 5 വരെ അപേക്ഷിക്കാം. യോഗ്യതാപരീക്ഷയുടെ ഫലം പ്രതീക്ഷിക്കുന്നവർക്കും അപേക്ഷിക്കാം. അപേക്ഷാഫീ 500 രൂപ; പട്ടികവിഭാഗം 250 രൂപ. കംപ്യൂട്ടർ ഉപയോഗിച്ചുള്ള ജോയിന്റ് എൻട്രൻസ് പരീക്ഷ ജൂൺ 19നു കേരളത്തിലുൾപ്പെടെ നടത്തും. പരീക്ഷാകേന്ദ്രങ്ങൾ പിന്നീട് അറിയിക്കും.
പ്രോഗ്രാമുകൾ
∙ഡിപ്ലോമ: പ്ലാസ്റ്റിക്സ് ടെക്നോളജി/പ്ലാസ്റ്റിക്സ് മോൾഡ് ടെക്നോളജി-3 വർഷം, എസ്എസ്എൽസിക്കാർക്ക്. സെമസ്റ്റർ ഫീ–16,700.
∙പോസ്റ്റ് ഡിപ്ലോമ ഇൻ പ്ലാസ്റ്റിക്സ് മോൾഡ് ഡിസൈൻ (കാഡ്–കാം): ഒന്നര വർഷം. പ്രവേശനത്തിനു മെക്കാനിക്കൽ, പ്ലാസ്റ്റിക്സ്, പോളിമർ, ടൂൾ, ടൂൾ & ഡൈ–മേക്കിങ്, പ്രൊഡക്ഷൻ, മെക്കട്രോണിക്സ്, ഓട്ടോ, െപട്രോകെമിക്കൽസ്, ഇൻഡസ്ട്രിയൽ, ഇൻസ്ട്രുമെന്റേഷൻ ഇവയൊന്നിലെ ത്രിവത്സര ഡിപ്ലോമ അഥവാ സിപെറ്റിലെ ഡിപിഎംടി / ഡിപിടി വേണം. സെമസ്റ്റർ ഫീ–20,000.
∙പിജി ഡിപ്ലോമ: പ്ലാസ്റ്റിക്സ് പ്രോസസിങ് & ടെസ്റ്റിങ്–2 വർഷം. സയൻസ് ബിരുദമുള്ളവർക്ക്. സെമസ്റ്റർ ഫീ–20,000.
പ്രായപരിധിയില്ല. അപേക്ഷാരീതി, എൻട്രൻസ് പരീക്ഷയുടെ ഘടന, ഓരോ സ്ഥാപനത്തിലെയും കോഴ്സ് വിവരങ്ങൾ മുതലായവയ്ക്കു സൈറ്റ് നോക്കാം. കൊച്ചി കേന്ദ്രത്തിൽ ഡിപ്ലോമ: പ്ലാസ്റ്റിക്സ് ടെക്നോളജി/പ്ലാസ്റ്റിക്സ് മോൾഡ് ടെക്നോളജി എന്നീ 2 പ്രോഗ്രാമുകളുണ്ട്. CIPET, Edayar Road, Near Premier Junction, Kalamassery-683 501; 81294 97182, kochi@cipet.gov.in
Content Summary : Apply Now For Diploma And Post Diploma Course At Cipet