പെട്രോളിയം ഇൻസ്റ്റിറ്റ്യൂട്ടിൽ എംടെക്, പിഎച്ച്ഡി ചെയ്യാം: അപേക്ഷിക്കാം ജൂലൈ 3 വരെ
Mail This Article
അമേഠി, ബെംഗളൂരു, ശിവസാഗർ (അസം) എന്നിവിടങ്ങളിൽ പ്രവർത്തിക്കുന്ന രാജീവ് ഗാന്ധി ഇൻസ്റ്റിറ്റ്യൂട്ട് ഓഫ് പെട്രോളിയം ടെക്നോളജിയിൽ വിവിധ എംടെക്, പിഎച്ച് ഡി പ്രോഗ്രാമുകളിലേക്കു ജൂലൈ 3 വരെ അപേക്ഷിക്കാം. അപേക്ഷാഫീ 500 രൂപ; പട്ടിക, ഭിന്നശേഷി വിഭാഗക്കാർക്ക് 250 രൂപ. സർവകലാശാലയ്ക്കു സമാനമായ സ്ഥാപനമാണ്.
എംടെക്: (1) അമേഠി – പെട്രോളിയം / കെമിക്കൽ എൻജിനീയറിങ് ശാഖകളിൽ വിവിധ സ്പെഷലൈസേഷനുകൾ (2) ബെംഗളൂരു: റിന്യൂവബിൾ എനർജി, ഇലക്ട്രിക് വെഹിക്കിൾ ടെക്നോളജി, ഡേറ്റാ സയൻസ്, ആർട്ടിഫിഷ്യൽ ഇന്റലിജൻസ്. ഗേറ്റ് സ്കോറുള്ള എംടെക് വിദ്യാർഥികൾക്ക് 12,400 രൂപ പ്രതിമാസ അസിസ്റ്റന്റ്ഷിപ് കിട്ടും.
ശിവസാഗറിൽ മാത്സ്, ഫിസിക്സ്, കെമിസ്ട്രി, പെട്രോളിയം /കെമിക്കൽ/ മെക്കാനിക്കൽ /ഇലക്ട്രിക്കൽ & ഇലക്ട്രോണിക്സ് എൻജിനീയറിങ് ശാഖകളിൽ പിഎച്ച്ഡി പ്രോഗ്രാമുകളുണ്ട്. മറ്റു 2 കേന്ദ്രങ്ങളിലും വിവിധവിഷയങ്ങളിൽ പിഎച്ച്ഡി സൗകര്യമുണ്ട്. https://rgipt.ac.in
Content Summary : Rajiv Gandhi Institute of Petroleum Technology M.Tech and Phd Admission 2022