ആർക്കിടെക്ചർ പ്രവേശന യോഗ്യത പരിഷ്കരിച്ചു; മാർക്ക് നിബന്ധന ഒഴിവാക്കി
Mail This Article
ആർക്കിടെക്ചർ ബിരുദത്തിന്റെ (ബി ആർക്) പ്രവേശന യോഗ്യത പരിഷ്കരിച്ചു. പ്രവേശനത്തിന് മാത്സ്, ഫിസിക്സ്, കെമിസ്ട്രി എന്നീ വിഷയങ്ങളുൾപ്പെട്ട പ്ലസ്ടു ജയിച്ചാൽ മതിയെന്ന് കൗൺസിൽ ഓഫ് ആർക്കിടെക്ചർ അറിയിച്ചു. ഈ 3 വിഷയങ്ങൾക്കു മൊത്തമായും, 12ലെ പരീക്ഷയ്ക്കും മൊത്തമായും 50% മാർക്ക് വീതം വേണമെന്ന നിബന
3 വർഷ എൻജിനീയറിങ് ഡിപ്ലോമക്കാരുടെ കാര്യത്തിലും ഇത്തവണ മിനിമം മാർക്ക് വ്യവസ്ഥയില്ല. കോവിഡ് പശ്ചാത്തലത്തിലാണ് ഈ ഇളവ്. ‘നാറ്റ’ അഭിരുചിപരീക്ഷയിൽ 200ൽ 70 മാർക്കെങ്കിലും നേടി യോഗ്യത തെളിയിക്കുകയും വേണം.
നാറ്റയുടെ മൂന്നാമത്തേതും അവസാനത്തേതുമായ ടെസ്റ്റ് ഓഗസ്റ്റ് 7നു നടത്തും. ഇതിലേക്ക് 27നു രാത്രി 8 വരെ www.nata.in എന്ന സൈറ്റിൽ റജിസ്റ്റർ ചെയ്യാം. ജെഇഇ മെയിനിന്റെ ഭാഗമായി നാഷനൽ ടെസ്റ്റിങ് ഏജൻസി നടത്തുന്ന ആർക്കിടെക്ചർ അഭിരുചിപരീക്ഷയിലെ യോഗ്യത, നാറ്റ യോഗ്യതയ്ക്കു പകരം ഈ വർഷത്തെ ബിആർക് പ്രവേശനത്തിനു പരിഗണിക്കുമെന്നും കൗൺസിൽ അറിയിച്ചു.
Content Summary : No mark restriction for architecture entrance