4 വർഷം ദൈർഘ്യമുള്ള ഹോട്ടൽ മാനേജ്മെന്റ് പഠിക്കാം, കേരളത്തിലെ 8 സ്വകാര്യ ഹോട്ടൽ മാനേജ്മെന്റ് ഇൻസ്റ്റിറ്റ്യൂട്ടുകളിൽ
Mail This Article
കേരളത്തിലെ 8 സ്വകാര്യ ഹോട്ടൽ മാനേജ്മെന്റ് ഇൻസ്റ്റിറ്റ്യൂട്ടുകളിൽ 4 വർഷ BHMCT (ബാച്ലർ ഓഫ് ഹോട്ടൽ മാനേജ്മെന്റ് & കേറ്ററിങ് ടെക്നോളജി) പ്രോഗ്രാം പ്രവേശനത്തിന് 20 വരെ ഓൺലൈൻ അപേക്ഷ നൽകാം. അപേക്ഷാഫീ 1,200 രൂപ. പട്ടികവിഭാഗം 6,00 രൂപ. അപേക്ഷാ രീതിയടക്കമുള്ള വിവരങ്ങൾ സൈറ്റിലെ പ്രോസ്പെക്ടസിലുണ്ട്: www.lbscentre.kerala.gov.in.
സ്ഥാപനങ്ങളും അഫിലിയേറ്റ് ചെയ്തിട്ടുള്ള സർവകലാശാലകളും: സൗത്ത് പാർക്ക് നെടുമങ്ങാട് (കെടിയു), രാജധാനി ആറ്റിങ്ങൽ (കെടിയു) കെഎംസിറ്റി കുറ്റിപ്പുറം (കെടിയു), സെന്റ് ജോസഫ്സ് പാലാ (എംജിയു), ഓറിയന്റൽ ലക്കിടി (കാലിക്കറ്റ്), ലൂർദ് മാതാ കാട്ടാക്കട (കേരള), തിരുവനന്തപുരം (കേരള), ശ്രീനാരായണഗുരു മെമ്മോറിയൽ തുറവൂർ (കേരള), സ്നേഹാചാര്യ കരുവാറ്റ (കേരള).
പ്ലസ്ടു/തുല്യയോഗ്യത ഉള്ളവർക്ക് അപേക്ഷിക്കാം. സ്ഥാപനം അഫിലിയേറ്റ് ചെയ്തിട്ടുള്ള സർവകലാശാലയിലെ വ്യവസ്ഥപ്രകാരം മിനിമം മാർക്ക് വേണം.കേരളസർക്കാരിലെ സ്വയംഭരണസ്ഥാപനമായ എൽബിഎസ് സെന്റർ നടത്തുന്ന KHMAT (കേരള ഹോട്ടൽ മാനേജ്മെന്റ് ആപ്റ്റിറ്റ്യൂഡ് ടെസ്റ്റ്) റാങ്ക് നോക്കിയാണ് സർക്കാർ സീറ്റുകളിലെ സിലക്ഷൻ. മാനേജ്മെന്റ് സീറ്റുകളിലേക്ക് ഈ ടെസ്റ്റിലെയോ അംഗീകൃതമായ സമാന ദേശീയ ടെസ്റ്റുകളിലെയോ സ്കോർ നോക്കി അതതു മാനേജ്മെന്റുകൾക്ക് പ്രവേശനം നടത്താം. 90 മിനിറ്റ് ടെസ്റ്റിൽ 90 മൾട്ടിപ്പിൾ ചോയ്സ് ചോദ്യങ്ങൾ, 90 മാർക്ക്. പരീക്ഷയുടെ തീയതിയും കേന്ദ്രങ്ങളും പിന്നീടറിയിക്കും. ഹെൽപ് ലൈൻ : 0471-2560327.
Content Summary : Hotel Management Course Kerala - Admissions Open for 2022