ഫസ്റ്റ് ക്ലാസ് ബിടെക്, മാസ്റ്റേഴ്സ് ബിരുദമുണ്ടോ?; ബാങ്കിങ് ടെക്നോളജിയിൽ പിജി ഡിപ്ലോമ ചെയ്യാം

നല്ല നിയമനച‌രിത്രമുള്ള, ഹൈദരാബാദ് ഇൻസ്റ്റിറ്റ്യൂട്ട് ഫോർ ഡവലപ്മെന്റ് ആൻഡ് റിസർച് ഇൻ ബാങ്കിങ് ടെക്നോളജിയുടെ പിജി ഡിപ്ലോമ ഇൻ ബാങ്കിങ് ടെക്നോളജി പ്രോഗ്രാമിന് ഫെബ്രുവരി 28 വരെ ഓൺലൈൻ അപേക്ഷ സ്വീകരിക്കും. 

Read Also : ഈ ആറു കഴിവുകളുണ്ടോ?; ജോലി അന്വേഷിച്ച് അലയണ്ട

ആകെ 40 സീറ്റ്. കോഴ്സ് ദൈർഘ്യം ഒരു വർഷം. 60% മാർക്കോടെ ഫസ്റ്റ് ക്ലാസ് ബിടെക്, അഥവാ ഏതെങ്കിലും വിഷയത്തിലെ ഫസ്റ്റ് ക്ലാസ് മാസ്റ്റർ ബിരുദം വേണം. ഫൈനൽ ഇയർ വിദ്യാർഥികൾക്കും അപേക്ഷിക്കാം.. അപേക്ഷിക്കുമ്പോൾ GATE/CAT/GMAT/GRE/CMAT/XAT/MAT/ATMA സ്കോറും ഉണ്ടായിരിക്കണം. ഇത് ആധാരമാക്കിയാണു പ്രാഥമിക സിലക്‌ഷൻ. തുടർന്നു ഗ്രൂപ്പ് ചർച്ച, ഇന്റർവ്യൂ എന്നിവയിലെ പ്രകടനം നോക്കി അന്തിമ സിലക്‌ഷൻ നടത്തും. ക്ലാസ് ജൂലൈ 3നു തുടങ്ങും. 

സ്പോൺസേഡ് വിഭാഗത്തിനും നേരിട്ട് അപേക്ഷിക്കുന്ന ബാങ്ക്/ധനകാര്യസ്ഥാപന ജീവനക്കാർക്കും CAT തുടങ്ങിയ സ്കോർ വേണമെന്നില്ല. പക്ഷേ, ഇവരും ഗ്രൂപ്പ് ചർച്ചയിലും ഇന്റർവ്യൂവിലും പങ്കെടുക്കണം. ഈ വിഭാഗത്തിനു 10 സീറ്റാണുള്ളത്. കോഴ്സ് ഫീ: 5 ലക്ഷം രൂപയും നികുതികളും. ബാങ്കിങ്ങും ഐടി അടക്കമുള്ള മേഖലകളുമായി കൈകോർക്കുന്ന വിഷയങ്ങളിൽ, ഐഐടി ഉൾപ്പെടെ മികച്ച സ്ഥാപനങ്ങളുടെ സഹകരണത്തോടെ എംടെക്, പിഎച്ച്ഡി പ്രോഗ്രാമുകളും ഇൻസ്റ്റിറ്റ്യൂട്ട് നടത്തുന്നുണ്ട്. ഫോൺ: 8919132013, ഇ–മെയിൽ: pgdbtadmissions@idrbt.ac.in, വെബ്: www.idrbt.ac.in. 

Content Summary : IIDRBT Hyderabad PG Diploma in Banking Technology Admission 2023