ADVERTISEMENT

നെടുങ്കണ്ടം∙ മൂന്നു തലമുറകളായി രോഗങ്ങൾക്ക് കൃത്യതയോടെ മരുന്നു നൽകുന്ന കുടുംബമുണ്ട് നെടുങ്കണ്ടം മുണ്ടിയെരുമയിൽ. ലോക ഫാർമസിസ്റ്റ് ദിനത്തിൽ ഏറെ അഭിമാനത്തിലാണ് ഈ കുടുംബത്തിലെ 5 ഫാർമസിസ്റ്റുകൾ. കഴിഞ്ഞ 31 വർഷമായി മുണ്ടിയെരുമയിൽ പ്രവർത്തിച്ചു വരുന്ന ‘ജലീൽ മെഡിക്കൽസ്’ ഉടമകളാണിവർ. മുണ്ടിയെരുമ പ്രാഥമിക ആരോഗ്യ കേന്ദ്രത്തിൽനിന്നു ഫാർമസിസ്‌റ്റായി വിരമിച്ച പാക്കുവെട്ടി വീട്ടിൽ അബ്ദുൽ ജലീലാണ് മെഡിക്കൽ ഷോപ്പ് തുടങ്ങുന്നത്. 

Read Also : കുത്തുവാക്കുകൾ പ്രചോദനമാക്കി റാങ്കുകൾ വാരിക്കൂട്ടി അമൽ

ജലീലിന്റെ മകൻ എ.നസീർ പിതാവിന്റെ പാത തന്നെ തിരഞ്ഞെടുത്തു ഫാർമസിസ്റ്റായി. 35 വർഷത്തെ ഔദ്യോഗിക ജീവിതത്തിനു ശേഷം 2021-ൽ ചോറ്റുപാറ ഹോമിയോ ഡിസ്പൻസറിയിൽനിന്ന് നസീർ വിരമിച്ചു. കഴിഞ്ഞ വർഷം അബ്ദുൽ ജലീൽ മരിച്ചതോടെ മുണ്ടിയെരുമയിലെ ജലീൽ മെഡിക്കൽസ് മകൻ നസീർ ഏറ്റെടുത്തു. തുടർന്നാണ് നസീർ-ജാസ്മി ദമ്പതികളുടെ 2 ആൺമക്കളും ഫാർമസിസ്റ്റാകുന്നത്. അവരിരുവരും ജീവിതപങ്കാളിയായി ഫാർമസിസ്റ്റുകളെ തന്നെ കൂടെ കൂട്ടി. ഇതോടെ വീട്ടിൽ 5 ഫാർമസിസ്റ്റുകളായി. 

Read Also : വിലപേശി ഉറപ്പിക്കാം മികച്ച ശമ്പളം; ഇന്റർവ്യൂ ബോർഡ് അംഗങ്ങളെ മുഷിപ്പിക്കാതെ

മൂത്ത മകൻ എൻ.ഷനൂബ് നെടുങ്കണ്ടത്തെ സ്വകാര്യ ഫാർമസി കമ്പനിയിൽ ജോലി ചെയ്യുകയാണ്. ഭാര്യ ഫാത്തിമ. ഇളയ മകൻ അഫ്സൽ നസീർ പാമ്പാടുംപാറ പ്രാഥമികാരോഗ്യകേന്ദ്രത്തിൽ ഫാർമസിസ്റ്റ് തസ്തികയിൽ താൽക്കാലിക ജോലിക്കാരനാണ്. ഭാര്യ: പി.എ.ജസീല. മരുമക്കൾ നസീറിനെ സഹായിക്കാൻ ജലീൽ മെഡിക്കൽസിൽ സജീവമാണ്.

 

Content Summary : Celebrating World Pharmacist Day: The Inspiring Story of a Family's Legacy in Medicine

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com