നവരത്ന കമ്പനിയായ ഹിന്ദുസ്ഥാൻ എയ്റോനോട്ടിക്സ് ലിമിറ്റഡിന്റെ ബെംഗളൂരുവിലെ ടെക്നിക്കല് ട്രെയിനിങ് ഇൻസ്റ്റിറ്റ്യൂട്ട് ഗ്രാജുവേറ്റ് എൻജിനീയറിങ് അപ്രന്റിസ്ഷിപ്പിന് അപേക്ഷ ക്ഷണിച്ചു. ഒരു വർഷമാണ് പരിശീലനം. ഒാൺലൈനായി അപേക്ഷിക്കണം.
അപേക്ഷ സ്വീകരിക്കുന്ന അവസാന തീയതി: ഒക്ടോബർ ഏഴ്
താഴെപ്പറയുന്ന വിഭാഗങ്ങളിലാണ് അപ്രന്റിസ്ഷിപ്പ് അവസരം.
1. എയറോനോട്ടിക്കൽ / എയ്റോസ്പേസ് എൻജിനീയറിങ്
2. കെമിക്കൽ എൻജിനീയറിങ്
3. സിവിൽ എൻജിനീയറിങ്
4. കംപ്യൂട്ടർ/ കംപ്യൂട്ടർ സയൻസ് ആൻഡ് ടെക്നോളജി/ കംപ്യൂട്ടർ സയൻസ് ആൻഡ് എൻജിനീയറിങ്/ ഇൻഫർമേഷൻ സയൻസ് ആൻഡ് എൻജിനീയറിങ്/ ഇന്ഫർമേഷൻ ടെക്നോളജി
5. ഇലക്ട്രിക്കൽ എൻജിനീയറിങ് / ഇലക്ട്രിക്കൽ ആൻഡ് ഇലക്ട്രോണിക്സ് എൻജിനീയറിങ്
6. ഇലക്ട്രിക്കൽ ആൻഡ് കമ്യൂണിക്കേഷൻ എൻജിനീയറിങ്/ ഏവിയോണിക്സ് എൻജിനീയറിങ്/ ഇലക്ട്രോണിക്സ് ആൻഡ് ടെലികമ്യൂണിക്കേഷൻ എൻജിനീയറിങ് / ഇൻഡസ്ട്രിയൽ ഇലക്ട്രോണിക്സ് ആൻഡ് ഇൻസ്ട്രമെന്റേഷൻ എൻജിനീയറിങ് / ടെലികമ്യൂണിക്കേഷൻ എൻജിനീയറിങ്
7. മെക്കാനിക്കൽ എൻജിനീയറിങ് /ഇൻഡസ്ട്രിയൽ എൻജിനീയറിങ്/ഇൻഡസ്ട്രിയൽ പ്രൊഡക്ഷൻ എൻജിനീയറിങ്/പ്രൊഡക്ഷൻ എൻജിനീയറിങ് മാനേജ്മെന്റ്
8. മെറ്റലർജി എൻജിനീയറിങ് ആൻഡ് മെറ്റീരിയൽ സയൻസ് എൻജിനീയറിങ്
യോഗ്യത: മേൽപ്പറഞ്ഞ വിഭാഗങ്ങളിൽ എൻജിനീയറിങ് ബിരുദം/അംഗീകൃത പ്രൊവിഷനൽ ബിരുദ സർട്ടിഫിക്കറ്റ്.
യോഗ്യതാ പരീക്ഷ ജയിച്ച് മൂന്നു വർഷം പൂർത്തിയാക്കിയ ഉദ്യോഗാർഥികളും, മുൻപ് അപ്രന്റിഷിപ്പ് പൂർത്തിയാക്കിയവരും റജിസ്റ്റർ ചെയ്തവരും അപേക്ഷിക്കാൻ യോഗ്യരല്ല. ഒരു വർഷമോ അതിലധികമോ പ്രവൃത്തിപരിചയമുള്ളവരും അയോഗ്യരാണ്.
ഒാൺലൈൻ റജിസ്ട്രേഷനും വിജ്ഞാപനത്തിന്റെ വിശദവിവരങ്ങൾക്കും www.hal-india.com എന്ന വെബ്സൈറ്റ് കാണുക.
Job Tips >>