ADVERTISEMENT

രാജ്യരക്ഷാവകുപ്പിന്റെ ഭാഗമായ ഡിആർഡിഒ, ചില വിശേഷശാഖകളിൽ  ബിടെക് / എംടെക് പഠിക്കുന്ന പെൺകുട്ടികൾക്ക് 3,72,000 രൂപ വരെ മൊത്തം സ്കോളർഷിപ് നൽകും. 

പഠനശാഖകൾ : എയറോസ്പേസ്  / എയ്റോനോട്ടിക്കൽ  / സ്പേസ്  / എയർക്രാഫ്റ്റ് എൻജിനീയറിങ് അഥവാ റോക്കട്രി  / ഏവിയോണിക്സ്.

വെബ് സൈറ്റുകൾ: www.drdo.gov.in / www.rac.gov.in

1. ബിടെക് : പരമാവധി 1,20,000 രൂപ ക്രമത്തിൽ നാലു വർഷം. ജെഇഇ മെയിൻ സ്കോർ നോക്കി സിലക്‌ഷൻ. 20 പേർക്കു സഹായം. ബിടെക് പ്രവേശനം നേടിയിരിക്കണം. 5 വർഷ ഇരട്ട / ഇന്റഗ്രേറ്റ്ഡ് പ്രോഗ്രാംകാർക്ക് ആദ്യ 4 വർഷം സ്കോളർഷിപ്.

2. എംടെക് : പരമാവധി 1,86,000 രുപ ക്രമത്തിൽ രണ്ടു വർഷം. ഗേറ്റ് സ്കോർ നോക്കി സിലക്‌ഷൻ. 10 പേർക്കു സഹായം. ബിടെക്കിന് 60% മാർക്ക് വേണം. എംടെക് പ്രവേശനം നേടിയിരിക്കണം.

അപേക്ഷ സ്വീകരിക്കുന്ന അവസാനദിവസം പൂർണയോഗ്യത ഉണ്ടായിരിക്കണം. സേവനക്കരാറില്ല. പക്ഷേ ഫൈനൽ ഇയർ പ്രോജക്ട് നിർദേശാനുസരണം ഡിആർഡിഒ  / എയ്റോനോട്ടിക്കൽ റിസർച് & ഡവലപ്മെന്റ് ബോർഡ് ഫണ്ട് നൽകുന്ന ലബോറട്ടറിയിൽ ചെയ്യണം. പഠനകാലത്ത് പരീക്ഷകളെല്ലാം 70% മാർക്ക് / തുല്യഗ്രേഡ് നേടി ജയിക്കണം. മികവു കുറഞ്ഞാൽ സ്കോളർഷിപ് നിർത്തും.  മറ്റു സ്കോളർഷിപ് വാങ്ങരുത്. ഇ–മെയിൽ : ardb@hqr.drdo.in.

ഐഐടികളിൽ എയറോസ്പേസ് എംടെക് പ്രവേശനത്തിന് അതേ വിഷയം ബിടെക് തലത്തിൽ പഠിച്ചിരിക്കണമെന്നില്ല. മെക്കാനിക്കൽ, ഓട്ടോ, പ്രൊഡക്‌ഷൻ, ഇലക്ട്രിക്കൽ, ഇലക്ട്രോണിക്സ്, ഇൻസ്ട്രുമെന്റേഷൻ, സിവിൽ, മെക്കട്രോണിക്സ് തുടങ്ങിയ ശാഖകളിലെ ബിടെക്കുകാർക്കും എംടെക് പ്രവേശനമുണ്ട്. ഗേറ്റ് സ്കോർ നേടിയിരിക്കണം.  

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com