കണ്ടുഞെട്ടാൻ ഇതാ ചില കണ്ടുപിടിത്തങ്ങൾ!
Mail This Article
‘പത്തുതലയാ ഇവന്...’ എന്ന് ആരും പറഞ്ഞുപോകുന്ന ബുദ്ധിയിൽ വിരിഞ്ഞ ആശയങ്ങളാണ് പത്താം യുവ മാസ്റ്റർമൈൻഡിൽ കാത്തിരിക്കുന്നത്. അവയിൽ ചിലതു പരിചയപ്പെട്ടാലോ? ഇതൊരു സാംപിൾ വെടിക്കെട്ടാണ്, ഒറിജിനൽ പൂരം കാണാൻ കടവന്ത്രയിലേക്കു തന്നെയെത്തണം.
∙വയോജനങ്ങൾ നടന്നുക്ഷീണിച്ചാൽ ഇരിക്കണമെങ്കിൽ കസേരയാക്കി മാറ്റാവുന്ന വോക്കർ.
∙പെട്ടെന്നു വസ്ത്രങ്ങൾ ഉണക്കിയെടുക്കാൻ സഹായിക്കുന്ന സോളർ ഡ്രയർ.
∙ഒരിടത്തെ ഗന്ധം അതേപടി മറ്റൊരിടത്തേക്ക് അയച്ചുകൊടുക്കാനുള്ള സംവിധാനം.
∙ഹെൽമറ്റിനകത്തെ ചൂടു കുറയ്ക്കുന്ന കൂളിങ് സിസ്റ്റം.
∙കർഷകർക്കായി കരിക്കുവെട്ടുയന്ത്രവും വാഴത്തണ്ട് ഒടിയാതെ സംരക്ഷിക്കുന്ന സംവിധാനവും.
∙തെരുവുനായ്ക്കളെ ഓടിച്ചുവിടുന്ന ‘റിപ്പല്ലർ’
∙അഗ്നിരക്ഷാസേനാംഗങ്ങളെ തീയണയ്ക്കാൻ സഹായിക്കുന്ന റോബട്ട്
∙ഐസ്ക്രീം വേഫറുകൾ കൊണ്ട് വെള്ളക്കുപ്പി.
∙മെഴുകുതിരി കൊണ്ടു ‘ചാർജ്’ ചെയ്യാവുന്ന പവർബാങ്ക്.
∙അടുക്കളയിലെ അരിയൽ, തേങ്ങചിരകൽ, കുപ്പികഴുകൽ, പാത്രം കഴുകൽ, കത്തി മൂർച്ചകൂട്ടൽ മുതലായവ ഒരുമിച്ചു ചെയ്യാവുന്ന ഉപകരണം.