സിബിഎസ്ഇ പരീക്ഷയിൽ ശ്രദ്ധിക്കാം ഈ കാര്യങ്ങൾ

10, 12 ക്ലാസ് ബോർഡ് പരീക്ഷ എഴുതുന്ന വിദ്യാർഥികളുടെയും രക്ഷിതാക്കളുടെയും സംശയങ്ങൾക്ക് സിബിഎസ്ഇയുടെ മറുപടി.

ആൻസർ ഷീറ്റിൽ ശ്രദ്ധിക്കാൻ

എന്റെ കൊച്ചുമകന്റെ പേരിന് 29 അക്ഷരങ്ങളുണ്ട്. ആൻസർ ഷീറ്റിന്റെ ഒന്നാം പേജിൽ പേരെഴുതേണ്ട കോളത്തിൽ 24 കളങ്ങളേയുള്ളൂ. എന്തു ചെയ്യണം ?

ജേക്കബ് ജോൺ

റോൾ നമ്പർ കൃത്യമായി എഴുതുക എന്നതാണ് ഏറ്റവും പ്രധാനം. പേര് പൂർണമായി എഴുതാൻ കളങ്ങൾ തികയുന്നില്ലെങ്കിൽ ബാക്കി അക്ഷരങ്ങൾ പുറത്തേക്കു നീട്ടിയെഴുതാം. 

ഭിന്നശേഷി വിദ്യാർഥികൾ ഹാൾ ടിക്കറ്റിനു പുറമേ കൊണ്ടുവരേണ്ട രേഖകൾ എന്തൊക്കെ ? ആൻസർ ഷീറ്റിൽ റജിസ്റ്റർ നമ്പരിനു പുറമേ എന്തെങ്കിലും പ്രത്യേക കോഡ് എഴുതാനുണ്ടോ ?

രശ്മി

ആൻസർ ബുക്കിൽ ഭിന്നശേഷി വിദ്യാർഥികൾക്കായുള്ള നിശ്ചിത കോളം പൂരിപ്പിക്കണം. ഭിന്നശേഷി വിദ്യാർഥികൾക്ക് അനുവദനീയമായ വസ്തുക്കൾ കയ്യിൽ കരുതാം. വിശദാംശങ്ങൾക്കു സിബിഎസ്ഇ വെബ്സൈറ്റിലെ 2019 ഏപ്രിൽ 12ന്റെ സർക്കുലർ കാണുക ( No.CBSE/COORD/112233/2019).