ഹയർസെക്കൻഡറി പ്രവേശനം; അപേക്ഷാ സമർപ്പണം ആരംഭിച്ചു

തിരുവനന്തപുരം∙ ഹയർസെക്കൻഡറി, വിഎച്ച്എസ്ഇ 1–ാം വർഷ പ്രവേശനത്തിന് ഓൺലൈൻ വഴിയുള്ള അപേക്ഷാസമർപ്പണം തുടങ്ങി. ഇന്നലെ വൈകിട്ട് 5  മുതലാണ്  www.hscap.kerala.gov.in, www.vhscap.kerala.gov.in എന്നീ സൈറ്റുകൾ വഴി അപേക്ഷകൾ സ്വീകരിച്ചുതുടങ്ങിയത്. ഓഗസ്റ്റ് 14നാണ് അവസാന തീയതി.

അപേക്ഷ സമർപ്പിക്കുമ്പോൾ മൊബൈൽ ഫോൺ വഴി സുരക്ഷിതമായ പാസ്‌വേഡ് ലഭിക്കും. ഇതുപയോഗിച്ചാണ് പ്രവേശന നടപടികൾ പൂർത്തിയാക്കേണ്ടത്. ഓഗസ്റ്റ് 18നാണ് ട്രയൽ അലോട്മെന്റ്. ആദ്യ അലോട്മെന്റ് 24നാണ്. സർട്ടിഫിക്കറ്റുകൾ അപ്‌ലോഡ് ചെയ്യേണ്ടതില്ല, ഫീസ് അടയ്ക്കുകയും വേണ്ട. സ്കൂൾ ക്ലബ് സർട്ടിഫിക്കറ്റുകൾക്ക് പലയിടത്തും സീരിയൽ നമ്പർ ഇല്ലെന്ന് വിദ്യാർഥികൾ പറയുന്നു. 

English Summary : Higher secondary admission application submission started