പുതുക്കിയ എംബിബിഎസ് എൻആർഐ കാറ്റഗറി ലിസ്റ്റ് പ്രസിദ്ധീകരിച്ചു

തിരുവനന്തപുരം∙ പുതുതായി ഉൾപ്പെടുത്തിയവരെക്കൂടി പരിഗണിച്ചുള്ള പുതുക്കിയ എംബിബിഎസ് എൻആർഐ കാറ്റഗറി ലിസ്റ്റ് വെബ്സൈറ്റിൽ പ്രസിദ്ധീകരിച്ചു. ഇതിൽ ഉൾപ്പെട്ടതും നിലവിൽ എംബിബിഎസ് പ്രവേശനം ലഭിച്ചിട്ടില്ലാത്തതുമായ വിദ്യാർഥികളെ പരിഗണിച്ചും നിലവിലെ ഒഴിവിനനുസരിച്ചുമുള്ള എൻആർഐ സാധ്യതാ ലിസ്റ്റ് വെബ്സൈറ്റിൽ പ്രസിദ്ധീകരിച്ചിട്ടുണ്ട്. ഈ ലിസ്റ്റിൽ ഉൾപ്പെട്ടവർ കോളജുമായി ബന്ധപ്പെട്ടു 11 ന് വൈകിട്ട് 3 നു മുൻപു പ്രവേശനം നേടണം. 11 നു ശേഷവും എൻആർഐ സീറ്റിൽ ഒഴിവുണ്ടെങ്കിൽ അതു സ്റ്റേറ്റ് മെറിറ്റ് സീറ്റാക്കി മാറ്റും. 

പിജി ഹോമിയോ അലോട്മെന്റ്:  പിജി ഹോമിയോ കോഴ്സിലേക്കുള്ള ഒന്നാംഘട്ട അലോട്മെന്റ് www.cee.kerala.gov.in എന്ന വെബ്സൈറ്റിൽ പ്രസിദ്ധീകരിച്ചു. ഹോം പേജിലെ ഡേറ്റാ ഷീറ്റ് എന്ന മെനു ഐറ്റം ക്ലിക്ക് ചെയ്ത് ഇതു ഡൗൺലോഡ് ചെയ്യണം. ഹെൽപ് ലൈൻ: 04712525300.