സിബിഎസ്ഇ പത്താം ക്ലാസ് പരീക്ഷാഫലം പ്രഖ്യാപിച്ചു; പ്രഖ്യാപിച്ചു; 99.04 % വിജയം
Mail This Article
ന്യൂഡൽഹി∙ സിബിഎസ്ഇ 10–ാം ക്ലാസ് പരീക്ഷാഫലം പ്രഖ്യാപിച്ചു. 99.04%വിജയം. റജിസറ്റർ ചെയ്ത 20,97,128 പേരിൽ 20,76,997 പേർ വിജയിച്ചു. തിരുനന്തപുരം മേഖല രാജ്യത്ത് ഒന്നാമത്–99.99% വിജയം. ബെംഗളൂരു (99.96), ചെന്നൈ (99.94) മേഖലകൾ രണ്ടും മൂന്നും സ്ഥാനത്ത്. ഗുവാഹത്തി 90.54% വിജയവുമായി 16 മേഖലകളിൽ ഏറ്റവും പിന്നിൽ. വിജയത്തിൽ പെൺകുട്ടികളാണ് മുന്നിൽ. 99.24% പെൺകുട്ടികൾ വിജയിച്ചപ്പോൾ ആൺകുട്ടികളുടെ വിജയശതമാനം 98.89 ആണ്. 95 ശതമാനത്തിനു മുകളിൽ മാർക്കു നേടിയതു 57,824 പേർ (2.76%). 90 ശതമാനത്തിനു മുകളിൽ മാർക്കു നേടിയതു 2,00,962 പേർ (9.58%) കേന്ദ്രീയ വിദ്യാലയങ്ങളിൽ 100 ശതമാനം വിജയം
പരീക്ഷാഫലം cbseresults.nic.in, cbse.gov.in എന്നീ വെബ്സൈറ്റുകളില് ലഭ്യമാകും. ഡിജിറ്റല് പ്ലാറ്റ്ഫോമായ ഡിജിലോക്കര് വെബ്സൈറ്റിലും digilocker.gov.in ഫലം അറിയാനാകും.
20 ലക്ഷത്തിലധികം പേരാണ് ഇത്തവണ പരീക്ഷയെഴുതിയത്. കോവിഡിന്റെ പശ്ചാത്തലത്തിൽ പൊതുപരീക്ഷ ഒഴിവാക്കിയിരുന്നു. തുടർന്ന് പുറത്തിറക്കിയ മാർഗരേഖ പ്രകാരമാണ്. ഇതു പ്രകാരം ഒരോ വിഷയത്തിലെയും 20 മാർക്ക് കഴിഞ്ഞ വർഷങ്ങളിലേപ്പോലെ ഇന്റേണൽ അസസ്മെന്റിനും 80 മാർക്ക് കഴിഞ്ഞ ഒരു വർഷം നടന്ന വിവിധ പരീക്ഷകളുടെ മാർക്കുകളുടെ അടിസ്ഥാനത്തിലുമാണ്
Content Summary : CBSE 10th Exam Results Declared