സ്കൂളുകൾ അടച്ചിടേണ്ട സാഹചര്യമില്ല: മന്ത്രി

സംസ്ഥാനത്തെ സ്കൂളുകൾ അടച്ചിടേണ്ട സാഹചര്യം നിലവിലില്ലെന്നു വിദ്യാഭ്യാസ മന്ത്രി വി.ശിവൻകുട്ടി അറിയിച്ചു. ഒമിക്രോൺ സാഹചര്യം വിലയിരുത്തി കോവിഡ് വിദഗ്ധസമിതി ശുപാർശ നൽകിയാൽ സർക്കാർ അക്കാര്യം പരിഗണിക്കും.

നവംബർ ഒന്നിനു സ്കൂൾ തുറന്നതു മുതൽ പ്രശ്നങ്ങളൊന്നുമില്ലാതെയാണു പ്രവർത്തനം മുന്നോട്ടുപോകുന്നതെന്നും കർശന കോവിഡ് പ്രോട്ടോക്കോൾ പാലിച്ചാണു സ്കൂളുകളുടെ പ്രവർത്തനമെന്നും മന്ത്രി പറഞ്ഞു.

Content Summary: Omicron threat: No plan to close schools at the moment, says Kerala Education Minister