ബിടെക് പരീക്ഷാഫലം പിൻവലിച്ചിട്ടില്ല: വിശദീകരണവുമായി സാങ്കേതിക സർവകലാശാല

HIGHLIGHTS
  • ഓഡിറ്റ് കോഴ്സുകളുടെ മൂല്യനിർണയം കോളജുകളാണു നടത്തുക.
  • ജൂലൈ 24നു ശേഷം മാത്രം സമർപ്പിച്ച ചില കോളജുകളിലെ ഫലങ്ങൾ പൂർണമായിരുന്നില്ല.
ktu-btech-result
Representative Image. Photo Credit: AjayTvm/Shutterstock
SHARE

തിരുവനന്തപുരം∙ സാങ്കേതിക സർവകലാശാല ബിടെക് പരീക്ഷാഫലം പിൻവലിച്ചിട്ടില്ലെന്നും പുതുക്കിയ ഫലപ്രഖ്യാപനത്തോടെ ചില കോളജുകളുടെ വിജയ ശതമാനത്തിലും അക്കാദമിക് പെർഫോമൻസ് ഇൻഡക്സിലും നേരിയ മാറ്റം ഉണ്ടാകാമെന്നും അധികൃതർ അറിയിച്ചു. ചില കോളജുകളുടെ വിജയശതമാനത്തെപ്പറ്റി പരാതി ലഭിച്ച സാഹചര്യത്തിലാണ് പരിശോധിക്കുന്നത്.

ബിടെക് പഠനകാലയളവിൽ പരീക്ഷ ജയിക്കുന്നതിനൊപ്പം പാഠ്യേതര പ്രവർത്തനങ്ങളിലൂടെ കുറഞ്ഞത് 100 ആക്ടിവിറ്റി പോയിന്റ് എങ്കിലും നേടുകയും ഓഡിറ്റ് കോഴ്സ് ഉള്ളവർ അവ പൂർത്തീകരിക്കുകയും വേണം. ഓഡിറ്റ് കോഴ്സുകളുടെ മൂല്യനിർണയം കോളജുകളാണു നടത്തുക. ഇവയുടെ ഫലങ്ങളും ആക്ടിവിറ്റി പോയിന്റുകളും യൂണിവേഴ്സിറ്റി പോർട്ടലിൽ കോളജുകൾ അപ്‌ലോഡ് ചെയ്യണം.

യൂണിവേഴ്സിറ്റി പരീക്ഷാ  ഫലപ്രഖ്യാപനത്തിനു ശേഷമാണ് ബിടെക് ബിരുദം നൽകാനുള്ള അധിക മാനദണ്ഡങ്ങൾ പരിശോധിക്കുന്നത്. ആക്ടിവിറ്റി പോയിന്റുകൾ, ഓഡിറ്റ് കോഴ്സുകൾ, മൂക് കോഴ്സുകൾ എന്നിവ സംബന്ധിച്ച വിവരങ്ങൾ ജൂലൈ 11നു മുൻപു സമർപ്പിക്കണമെന്ന് പ്രിൻസിപ്പൽമാർക്കു നിർദേശം നൽകിയിരുന്നു. എന്നാൽ, ജൂലൈ 24 വരെ സമർപ്പിച്ച വിവരങ്ങൾ ഫലപ്രഖ്യാപനത്തിനായി പരിഗണിച്ചിരുന്നു.

ജൂലൈ 24നു ശേഷം മാത്രം സമർപ്പിച്ച ചില കോളജുകളിലെ ഫലങ്ങൾ പൂർണമായിരുന്നില്ല. ഇതുമൂലം തങ്ങളുടേതല്ലാത്ത കാരണങ്ങളാൽ ഏതാനും വിദ്യാർഥികളുടെ ഫലങ്ങൾ പോർട്ടലിൽ ലഭ്യമായില്ല.

Content Summary : KTU Explained About Rumors Regarding Btech Result 

ഐഎഎസ് /ഐപിഎസ് പരീക്ഷകൾക്ക് ഒരുങ്ങാം ഓൺലൈനായി. കൂടുതൽ വിവരങ്ങൾക്കായിസന്ദർശിക്കൂ

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

ഇതിലും ചെലവുകുറഞ്ഞ വീടില്ല! | Hometour | Lowcost Home

MORE VIDEOS
{{$ctrl.title}}
{{$ctrl.title}}

{{$ctrl.currentDate}}

  • {{item.description}}