ഇൻഡസ്ട്രിയൽ എൻജിനീയറിങ് പഠനം മികച്ച കരിയറിന് ‘നിറ്റി’ ; അപേക്ഷ ഫെബ്രുവരി 20 വരെ
Mail This Article
ഇൻഡസ്ട്രിയൽ എൻജിനീയറിങ് രംഗത്തെ ശ്രേഷ്ഠ സ്ഥാപനമായ ‘നിറ്റി’യിലെ (നാഷനൽ ഇൻസ്റ്റിറ്റ്യൂട്ട് ഓഫ് ഇൻഡസ്ട്രിയൽ എൻജിനീയറിങ്, മുംബൈ)2023-25 ബാച്ചിലെ 2 ദ്വിവത്സര പ്രോഗ്രാമുകളിലേക്ക് ഫെബ്രുവരി 20ന് വൈകിട്ട് 5.30 വരെ ഓൺലൈനായി അപേക്ഷിക്കാം.
ഇൻഡസ്ട്രിയൽ മാനേജ്മെന്റ് (PGDIM), സസ്റ്റെയിനബിലിറ്റി മാനേജ്മെന്റ് (PGDSM) എന്നിവയാണു പ്രോഗ്രാമുകൾ 60% മാർക്കോടെ ഏതെങ്കിലും ശാഖയിലെ എൻജിനീയറിങ് / ടെക്നോളജി ബിരുദമുള്ളവർക്ക് അപേക്ഷിക്കാം; പട്ടിക / ഭിന്നശേഷി വിഭാഗക്കാർക്ക് 55% മാർക്ക്. 2023 സെപ്റ്റംബർ 30ന് അകം പരീക്ഷാഫലം നൽകാനാവുന്ന അവസാന ബിടെക് വിദ്യാർഥികളെയും പരിഗണിക്കും.
∙ PGDIM – ബിടെക്കിനു പുറമേ, ഈ പ്രോഗ്രാമിന് എംഎസ്സി (മാത്സ് / സ്റ്റാറ്റ്സ്), 5–വർഷ മാത്സ് & കംപ്യൂട്ടിങ് ഡ്യുവൽ ഡിഗ്രി, 4–വർഷ ബിഎസ് / ബിടെക് (ഇക്കണോമിക്സ്) എന്നീ യോഗ്യതകളും പരിഗണിക്കും. ഐഐഎം ക്യാറ്റ് സ്കോർ വേണം
∙ PGDSM – ഗേറ്റ്, ക്യാറ്റ്, ജിആർഇ, ജിമാറ്റ് ഇവയൊന്നിലെ സ്കോർ വേണം.
ഇന്റർവ്യൂ 2023 മാർച്ചിൽ നടത്തും. ക്ലാസുകൾ ജൂണിൽ തുടങ്ങും. വിവരങ്ങൾ: www.nitie.ac.in
Content Summary : NITIE - National Institute of Industrial Engineering - Course Details