പ്ലസ് ടു കഴിഞ്ഞ് എന്താ പരിപാടി?; പത്തനംതിട്ടയിലെ മിടുക്കരോട്

ഏതു കോഴ്സിനു പോകണമെന്ന് തീരുമാനിച്ചിട്ടില്ല എന്നാണ് ഉത്തരമെങ്കിൽ, ജനുവരി 29 നിങ്ങൾക്കു നിർണായകമാണ്. അനുയോജ്യമായ കരിയർ കണ്ടെത്താൻ വിദഗ്ധരുമായി നേരിട്ട് സംവദിക്കാൻ മനോരമ ക്വിക്ക് കേരള അവസരമൊരുക്കുന്നു. മൂന്നു മണിക്കൂർ മാറ്റിവയ്ക്കാൻ തയാറെങ്കിൽ നിങ്ങളുടെ ഭാവി പഠനം എങ്ങനെയാവണം എന്നു തീരുമാനിക്കാം. 

പ്ലസ് ടൂവിന് ഉയർന്ന മാർക്ക് നേടിയവർക്കു പോലും, മൽസരപരീക്ഷകളെക്കുറിച്ചുള്ള അറിവില്ലായ്മയും എങ്ങനെ പരീക്ഷയ്ക്കു തയാറെടുക്കണമെന്ന ധാരണയില്ലായ്മയും മൂലം മികച്ച അവസരങ്ങൾ നഷ്ടമാകുന്നത് സങ്കടകരമല്ലേ. ഒരിക്കൽ നഷ്ടമായ അവസരം പീന്നിട് ലഭിച്ചെന്നും വരില്ല, മെഡിക്കൽ, എൻജിനീയറിങ് പ്രവേശന പരീക്ഷകളിൽ എങ്ങനെ ഉയർന്ന റാങ്ക് നേടാം, കനത്ത ശമ്പളം വാഗ്ദാനം ചെയ്യുന്ന ന്യൂ ജനറേഷൻ ജോലികൾക്കും സംസ്ഥാന – ദേശീയ തലത്തിൽ നടത്തുന്ന മൽസരപരീക്ഷകൾക്കും എങ്ങനെ തയാറെടുക്കാം എന്നിങ്ങനെ കരിയർ സംബന്ധമായ സംശയങ്ങൾക്ക് കരിയർ കൗൺസിലറായ അജി ജോർജ്, കൗൺസിലിങ് സൈക്കോളജിസ്റ്റ് ഡോ. ജോൺ ജേക്കബ് മുണ്ടുകോട്ടക്കൽ എന്നിവർ മറുപടി നൽകും. 

മലയാള മനോരമ ക്വിക്ക് കേരള, എൻട്രൻസ് കോച്ചിങ് സെന്ററായ പാഠശാല ദ് നോളജ് ഹബുമായി ചേർന്ന് സംഘടിപ്പിക്കുന്ന സൗജന്യ കരിയർ സെമിനാർ ജനുവരി 29 ന് പത്തനംതിട്ട അബാൻ ആർക്കേഡിൽ രാവിലെ 10 മുതൽ 1 മണി വരെ നടക്കും.

പങ്കെടുക്കാൻ https://forms.gle/cDLDhs2UKMDuYdnW9 എന്ന ഗൂഗിൾ ഫോം പൂരിപ്പിക്കുകയോ +919961162800 എന്ന നമ്പറിൽ വിളിക്കുകയോ ചെയ്യുക.