പിഎസ്‍സി പരീക്ഷകളിലെ 'ആരോഗ്യം'; ഇവ ശ്രദ്ധിക്കുക

കൊറോണക്കാലത്ത് നമ്മൾ ഏറ്റവും അധികം കേട്ട വാക്കാണ് കൈകഴുകൽ. ക്രൈമിയൻ യുദ്ധകാലത്ത് ഇതേ ആശയം ആദ്യം മുന്നോട്ടുവച്ചത് ഫ്ലോറൻസ് നൈറ്റിങ്ഗേൽ ആണ്. അന്ന് ആരും അതു കാര്യമായി ഉൾക്കൊണ്ടില്ല. എന്നാൽ കൈകഴുകലിന് അതീവ പ്രാധാന്യമുള്ള ഈ കൊറോണക്കാലത്ത് ഫ്ലോറൻസ് നൈറ്റിങ്ഗേലിന്റെ ജന്മദിനത്തിനും കൂടുതൽ പ്രാധാന്യമുണ്ട്.

ആരോഗ്യവും, ആരോഗ്യദിനങ്ങളും അവയുടെ സന്ദേശങ്ങളുമെല്ലാം പിഎസ്‍സിയുടെ ഇഷ്ടചോദ്യങ്ങളാണ്. മുൻകാല ചോദ്യപേപ്പറുകൾ നോക്കിയാൽ ഒരു ചോദ്യമെങ്കിലും ഇത്തരത്തിൽ കാണാം.

ഈ ചോദ്യങ്ങൾ ശ്രദ്ധിക്കുക

∙ലോക നഴ്സസ് ദിനം: മേയ് 12

∙ആതുരശുശ്രൂഷയുടെ മാതാവ്: ഫ്ലോറൻസ് നൈറ്റിങ്ഗേൽ

∙ലോകാരോഗ്യസംഘടന 2020 ഏതു വർഷമായി പ്രഖ്യാപിച്ചിരിക്കുന്നു: ആതുരസേവകരുടെ വർഷം

∙2020 ലോക നഴ്സസ് ദിനത്തിന്റെ വിഷയം: നഴ്സിങ് ദ്  വേൾഡ് ടു ഹെൽത്ത്

∙ലോക ആരോഗ്യദിനം: ഏപ്രിൽ 7

∙2020 ലോകാരോഗ്യ ദിനത്തിന്റെ വിഷയം: സപ്പോർട്ട് നഴ്സസ് ആൻഡ് മിഡ്‌വൈവ്സ്

∙ലോക ഹോമോയോപ്പതി ദിനം: ഏപ്രിൽ 10

∙2020 ഹോമിയോപ്പതി ദിനത്തിന്റെ വിഷയം: പൊതുജനാരോഗ്യത്തിൽ ഹോമിയോപ്പതിയുടെ വ്യാപ്തി വർധിപ്പിക്കുക

ദിനാചരണങ്ങൾ പ്രധാനം

ലോകാരോഗ്യസംഘടനയുടെ നേതൃത്വത്തിൽ ചില രോഗങ്ങൾക്കെതിരായ ബോധവൽക്കരണത്തിന്റെ ഭാഗമായി ദിനാചരണങ്ങൾ സംഘടിപ്പിക്കാറുണ്ട്. അവയിൽ പലതും പലപ്പോഴായി പിഎസ്‍സി പരീക്ഷകളിൽ ചോദിച്ചിട്ടുണ്ട്. പ്രധാനപ്പെട്ട ചിലതു നോക്കാം.

∙കുഷ്ഠരോഗദിനം: ജനുവരി 30

∙കാൻസർ ദിനം: ഫെബ്രുവരി 4

∙ഡൗൺ സിൻഡ്രോം ദിനം: മാർച്ച് 21

∙ക്ഷയ രോഗ ദിനം: മാർച്ച് 24

∙ഓട്ടിസം ദിനം: ഏപ്രിൽ 2

∙ഹീമോഫീലിയ ദിനം: ഏപ്രിൽ 17

∙മലേറിയ ദിനം: ഏപ്രിൽ 25

∙ഹെപ്പറ്റൈറ്റിസ് ദിനം: ജൂലൈ 28

∙പേവിഷബാധ ദിനം: സെപ്റ്റംബർ 28

 പ്രമേഹ ദിനം: നവംബർ 14

∙എയ്ഡ്സ് ദിനം:  ഡിസംബർ 1