പഞ്ചവത്സര പദ്ധതികൾ: പഠിക്കാം, മികച്ച റാങ്ക് നേടാം

ലാസ്റ്റ് ഗ്രേഡ്, എൽഡി ക്ലാർക്ക് പിഎസ്‍സി പരീക്ഷകളിൽ ആവർത്തിച്ചുചോദിക്കുന്ന ഭാഗമാണ് പഞ്ചവത്സര പദ്ധതികൾ. ആദ്യ 5 പഞ്ചവത്സര പദ്ധതികൾ സംബന്ധിച്ചു സ്ഥിരമായി വരാറുള്ള ചോദ്യങ്ങൾ ഇത്തവണ നോക്കാം. 

∙ ഇന്ത്യൻ പഞ്ചവത്സര പദ്ധതിയുടെ പിതാവ്: ജവാഹർലാൽ നെഹ്റു

∙ ആശയം കടമെടുത്തത്: സോവിയറ്റ് യൂണിയനിൽനിന്ന്

ഒന്നാം പഞ്ചവത്സര പദ്ധതി (1951- ’56)

∙ ഹരോൾഡ് ഡോമർ മോഡൽ

∙ കാർഷികമേഖലയ്ക്ക് പ്രാധാന്യം

∙ പ്രധാനപദ്ധതികൾ: ഭക്രാനംഗൽ, ഹിരാക്കുഡ്, ദാമോദർവാലി അണക്കെട്ടുകൾ

രണ്ടാം പഞ്ചവത്സര പദ്ധതി (1956–’61)

∙ മഹലനോബിസ് മോഡൽ

∙ വ്യവസായത്തിന് പ്രാധാന്യം

∙ മിശ്ര സമ്പദ്‌വ്യവസ്ഥ

∙ പ്രധാന സംരംഭങ്ങൾ: റൂർക്കല സ്റ്റീൽ പ്ലാന്റ് (ഒഡിഷ), ഭിലായ് സ്റ്റീൽ പ്ലാന്റ് (ഛത്തീസ്ഗഡ്), ദുർഗാപുർ സ്റ്റീൽ പ്ലാന്റ് (ബംഗാൾ), പെരമ്പൂർ കോച്ച് ഫാക്ടറി (തമിഴ്നാട്)

മൂന്നാം പഞ്ചവത്സര പദ്ധതി (1961- ’66)

∙ കൃഷിക്കും വ്യവസായത്തിനും തുല്യപരിഗണന. 

∙ ഹരിതവിപ്ലവത്തിനു തുടക്കം കുറിച്ചു.

പ്ലാൻ ഹോളിഡേയ്സ് (1966– 69)

മൂന്നു വർഷവും വാർഷിക പദ്ധതികളാണു നടപ്പാക്കിയത്.നാലാം പഞ്ചവത്സര പദ്ധതി (1969 -’74)

∙ ലക്ഷ്യം: സുസ്ഥിര വികസനത്തിലൂടെ സ്വയംപര്യാപ്തത. 

∙ 14 ബാങ്കുകളുടെ ദേശസാത്ക്കരണം.

അഞ്ചാം പഞ്ചവത്സര പദ്ധതി (1974-1979)

∙ 1977ലെ ഭരണമാറ്റത്തെത്തുടർന്ന് പൂർത്തിയാക്കാതെപോയ പഞ്ചവത്സര പദ്ധതി.

∙ ലക്ഷ്യം: ദാരിദ്ര്യ നിർമാർജനം (ഗരീബി ഹഠാവോ)

∙ ഇരുപതിന പരിപാടി പ്രഖ്യാപനം: 1975

റോളിങ് പ്ലാൻ (1978– 80)

∙ ജനതാ സർക്കാർ 1977ൽ അധികാരത്തിലെത്തിയതിനെത്തുടർന്ന് പ്രധാനമന്ത്രി മൊറാർജി ദേശായി നടപ്പാക്കി. 

∙ നൊബേൽ പുരസ്കാര ജേതാവായ സ്വീഡിഷ് സാമ്പത്തികശാസ്ത്രജ്ഞൻ ഗുണ്ണർ മിർഡാലിന്റെ ആശയം.

English Summary: Kerala PSC Exam Preparation