പഞ്ചവത്സര പദ്ധതികൾ എത്ര ?

പിഎസ്‌സിയുടെ ലാസ്റ്റ് ഗ്രേഡ്, എൽഡി ക്ലാർക്ക് പ്രിലിമിനറി പരീക്ഷകൾക്കു വേണ്ടി കഴിഞ്ഞ ലക്കത്തിൽ പഠിച്ച പഞ്ചവത്സര പദ്ധതികളുടെ ബാക്കിഭാഗം ഈ ലക്കത്തിൽ നോക്കാം.

ആറാം പഞ്ചവത്സര പദ്ധതി (1980– ’85)

∙ മുഖ്യ ലക്ഷ്യങ്ങൾ: ദാരിദ്ര്യ നിർമാർജനം, തൊഴിലില്ലായ്മ നിർമാർജനം

∙സാമ്പത്തിക ഉദാരവൽക്കരണ നടപടികൾക്കു തുടക്കം കുറിച്ചു.

∙നബാർഡ് രൂപീകരണം: 1982

∙5.2 % വളർച്ച ലക്ഷ്യമിട്ടു; 5.4 % കൈവരിച്ചു

ഏഴാം പഞ്ചവത്സര പദ്ധതി (1985- ’90)

∙വിവര സാങ്കേതികവിദ്യയിൽ ഊന്നിയ വ്യവസായ വളർച്ച

∙5 % ലക്ഷ്യമിട്ടു; 6.01 % കൈവരിച്ചു

വാർഷിക പദ്ധതികൾ (1990-’92)

∙പുത്തൻ സാമ്പത്തിക നയം നടപ്പാക്കി 

∙1991ൽ പി.വി. നരസിംഹറാവു പ്രധാനമന്ത്രി; മൻമോഹൻസിങ് ധനമന്ത്രി 

എട്ടാം പഞ്ചവത്സര പദ്ധതി (1992-’97)

∙പുത്തൻ സാമ്പത്തിക നയത്തിന്റെ അടിസ്ഥാനത്തിലുള്ള ആദ്യ പഞ്ചവത്സര പദ്ധതി.

∙5.6 % ലക്ഷ്യം, 6.78 % കൈവരിച്ചു.

ഒമ്പതാം പഞ്ചവത്സര പദ്ധതി (1997-2002)

∙സ്വാതന്ത്ര്യത്തിന്റെ 50–ാം വാർഷികത്തിൽ തുടങ്ങിയ പദ്ധതി.

∙ലക്ഷ്യം സാമൂഹികനീതിയിലും തുല്യതയിലും അധിഷ്ഠിതമായ വികസനം.

∙പ്രധാന പദ്ധതികൾ: കുടുംബശ്രീ, അന്ത്യോദയ അന്നയോജന, അന്നപൂർണ 

∙6.5 % ലക്ഷ്യം, 5.4 % കൈവരിച്ചു.

പത്താം പഞ്ചവത്സര പദ്ധതി (2002- ’07)

∙സ്ത്രീശാക്തീകരണത്തിന് ഊന്നൽ

∙തൊഴിലുറപ്പു പദ്ധതിയും 

∙ദേശീയ ഗ്രാമീണ ആരോഗ്യ മിഷനും ഇക്കാലത്ത്

∙8.1 % ലക്ഷ്യം, 7.7 % നേടി

പതിനൊന്നാം പഞ്ചവത്സര പദ്ധതി (2007- ’12)

∙ലക്ഷ്യം: എല്ലാവരെയും ഉൾക്കൊള്ളിച്ചുള്ള വളർച്ച

∙വിദ്യാഭ്യാസ അവകാശനിയമം ഇക്കാലത്ത്

∙ഏറ്റവും കൂടുതൽ വളർച്ച രേഖപ്പെടുത്തിയ പദ്ധതി; 9 % ലക്ഷ്യമിട്ടു, 8.2 % നേടി

പന്ത്രണ്ടാം പഞ്ചവത്സര പദ്ധതി (2012- ’17)

∙ലക്ഷ്യം: സുസ്ഥിരവികസനം, അതിവേഗ വികസനം

∙8 % ലക്ഷ്യമിട്ടു

∙അവസാന പഞ്ചവത്സര പദ്ധതി; ഒന്നാം മോദി സർക്കാർ പദ്ധതി അവസാനിപ്പിച്ചു