ചരിത്രത്തിൽ ഇന്ന് - ജനുവരി 30

∙ ഇന്ത്യയുടെ രാഷ്ട്രപിതാവ് മഹാത്മാഗാന്ധി വെടിയേറ്റു മരിച്ചു (1948). രക്തസാക്ഷിദിനമായി ആചരിക്കുന്നു.

∙ ഒരു യുഎസ് പ്രസിന്റിനു നേരെ ആദ്യ വധശ്രമം (1835). ആൻഡ്രു ജാക്സണു നേരെ വെടിയുതിർത്തത് റിച്ചഡ് ലോറൻസ്.

∙ അഡോൾഫ് ഹിറ്റ്ലർ ജർമനിയുടെ ചാൻസലറായി (1933).

∙ ലോക പ്രശസ്ത റോക്ക് സംഗീത ബാൻഡ് ‘ബീറ്റിൽസിന്റെ അവസാനത്തെ ലൈവ് പൊതുപരുപാടി ലണ്ടനിൽ (1969). ജോൺ ലെനൻ, ജോർജ് ഹാരിസൺ‌, പോൾ മക്കാർട്നി, റിംഗോ സ്റ്റാർ എന്നിവരായിരുന്നു ‘ബീറ്റിൽസിലെ’ പ്രമുഖർ.

∙ കേരളത്തിൽ ഏറ്റവും കൂടുതൽ കാലം മന്ത്രിയായ കെ. എം. മാണി ജനിച്ചു. (1933). കൂടുതൽ തവണ സംസ്ഥാന ബജറ്റ് അവതരിപ്പിച്ച റെക്കോർഡുമുണ്ട്.

∙ രണ്ടു തവണ ഭൗതികശാസ്ത്ര നൊബേൽ ലഭിച്ച ഏക വ്യക്തിയായ യുഎസ് ശാസ്ത്രകാരൻ ജോൺ ബാർഡിൻ അന്തരിച്ചു (1991). 1956 ലും 1972 ലും നോബേലിന് അർഹനായി.

English Summary : Thozhilveedhi Exam Guide - Today In History - January 29