ADVERTISEMENT

∙'ഇന്ത്യയുടെ വാനമ്പാടി' എന്നു ഗാന്ധിജി വിശേഷിപ്പിച്ച സരോജിനി നായിഡു അന്തരിച്ചു (1949). സ്വാതന്ത്ര്യസമര സേനാനിയും കവിയുമായ ഇവർ സ്വതന്ത്ര ഭാരതത്തിൽ ഗവർണർ പദവിയിലെത്തിയ ആദ്യ വനിതയാണ്. 

 

∙പ്രശസ്‌ത ബ്രിട്ടിഷ് - ഇന്ത്യൻ ആർക്കിടെക്റ്റ് ലാറി ബേക്കർ (ലോറൻസ് വിൽഫ്രഡ് ബേക്കർ) ബർമിങ്ങാമിൽ ജനിച്ചു (1917). ചെലവു കുറഞ്ഞതും പരിസ്ഥിതിസൗഹൃദവുമായ നിർമാണത്തിലൂടെ ശ്രദ്ധേയൻ. 'ആർക്കിടെക്ചറിലെ ഗാന്ധി' എന്നറിയപ്പെട്ടു. ദീർഘകാലം കേരളത്തിൽ സ്ഥിരതാമസമായിരുന്നു.

 

∙സോവിയറ്റ് യൂണിയന്റെ പ്രസിഡന്റായിരുന്ന മിഖായേൽ ഗോർബച്ചേവ് ജനിച്ചു (1931). ഗ്ലാസ്‌നോസ്സ് , പെരിസ്‌ട്രോയിക്ക എന്നിവ ഇദ്ദേഹത്തിന്റെ പ്രസിദ്ധ നയങ്ങളാണ്.

 

∙കേരള മുഖ്യമന്ത്രിയായിരുന്ന പി.കെ. വാസുദേവൻ നായർ ജനിച്ചു (1926). 'ഒരു കമ്മ്യൂണിസ്റ്റുകാരന്റെ ഓർമ്മക്കുറിപ്പുകൾ' ഇദ്ദേഹത്തിന്റെ കൃതിയാണ്.

 

∙തിരുവനന്തപുരം സ്വാതിതിരുനാൾ സംഗീത കോളേജിൽ ദിവാൻ സി. പി. രാമസ്വാമി അയ്യരെ വെട്ടി പരുക്കേൽപ്പിച്ചതിലൂടെ ശ്രദ്ധേയനായ കെ. സി.എസ്. മണി  ആലപ്പുഴ അമ്പലപ്പുഴയിൽ ജനിച്ചു (1922). കോനാട്ടു മഠം ചിദംബര അയ്യർ സുബ്രഹ്മണ്യ അയ്യർ എന്നു മുഴുവൻ പേര്.

English Summary : Thozhilveedhi Exam Guide - Today In History - March 2

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com