മാർച്ച് 03: ലോക കേൾവി ദിനം

∙ലോകാരോഗ്യ സംഘടനയുടെ നേതൃത്വത്തിൽ ലോക കേൾവി ദിനമായി ആചരിക്കുന്നു. Hearing Care for All എന്നതാണ് ഈ വർഷത്തെ പ്രമേയം.

∙ലോക പ്രശസ്‌ത യുഎസ് മാഗസിൻ TIME ൻറെ ആദ്യ പതിപ്പ് ഇറങ്ങി (1923). ബ്രിട്ടൻ ഹാഡെൻ, ഹെൻറി ലൂസ് എന്നിവർ ചേർന്നാണ് ആരംഭിച്ചത്.

∙'ഇന്ത്യൻ വ്യവസായത്തിന്റെ പിതാവ് എന്നറിയപ്പെടുന്ന, ടാറ്റ ഗ്രൂപ്പ് സ്ഥാപകൻ ജംഷഡ്‌ജി ടാറ്റ ജനിച്ചു (1839). ജംഷഡ്‌പുരിനു പേര് ലഭിച്ചത് ഇദ്ദേഹത്തിന്റെ സ്മരണാർഥമാണ്.

∙ടെലിഫോണിന്റെ കണ്ടുപിടിത്തത്തിലൂടെ ലോകശ്രദ്ധ നേടിയ അലക്‌സാണ്ടർ ഗ്രഹാംബെൽ സ്‌കോട്ലാൻഡിൽ ജനിച്ചു (1847).

∙ഐക്യരാഷ്ട്രസംഘടനാ ആഹ്വാനപ്രകാരം ലോക വന്യജീവി ദിനമായി ആചരിക്കുന്നു. 

∙ഓറൽ പോളിയോ വാക്സീൻ വികസിപ്പിച്ചതിലൂടെ ശ്രദ്ധേയനായ പോളിഷ് - യു എസ്  ഗവേഷകൻ ആൽബർട്ട് സാബിൻ അന്തരിച്ചു (1993).
 

English Summary : Thozhilveedhi Exam Guide - Today In History - March 3