ആദ്യ ദാദാ സാഹെബ് ഫാൽക്കെ അവാർഡ് ജേതാവ് ആര്?
Mail This Article
∙പ്രശസ്ത ഇറ്റാലിയൻ പ്രഫഷനൽ ഫുട്ബോൾ ക്ലബ് ഇന്റർ മിലാൻ സ്ഥാപിതമായി (1908). ഫുട്ബോൾ ക്ലബ് ഇന്റർനാഷണൽ എന്നായിരുന്നു ആദ്യ പേര്.
∙'ഫസ്റ്റ് ലേഡി ഓഫ് ഇന്ത്യൻ സിനിമ ' എന്നറിയപ്പെട്ട നടി ദേവികാറാണി അന്തരിച്ചു (1994). ആദ്യ ദാദാ സാഹെബ് ഫാൽക്കെ അവാർഡ് ജേതാവാണ്.
∙ ഐക്യരാഷ്ട്ര സംഘടനാ മുൻ അണ്ടർ സെക്രട്ടറി ജനറലും മുൻ കേന്ദ്ര സഹമന്ത്രിയും എഴുത്തുകാരനുമായ ശശി തരൂർ ലണ്ടനിൽ ജനിച്ചു (1956). ദ് ഗ്രേറ്റ് ഇന്ത്യൻ നോവൽ, ഇന്ത്യ : ഫ്രം മിഡ്നൈറ്റ് ടു ദ് മിലെനിയം, വൈ അയാം എ ഹിന്ദു, ദ് പാരഡോക്സിക്കൽ പ്രൈം മിനിസ്റ്റർ എന്നിവ കൃതികൾ .
∙ഇറ്റാലിയൻ പര്യവേഷകൻ അമേരിഗോ വെസ്പുചി ജനിച്ചു (1454). ഇദ്ദേഹത്തിൽ നിന്നാണ് അമേരിക്ക എന്ന പേരു ലഭിച്ചത്.
∙മുല്ലപ്പെരിയാർ അണക്കെട്ടിന്റെ ശിൽപി ജോൺ പെന്നിക്വിക്ക് അന്തരിച്ചു (1911 ). അദ്ദേഹത്തിന്റെ ജന്മദിനമായ ജനുവരി 15 തമിഴ്നാട്ടിൽ പൊതു അവധിയാണ്.
∙ഇവാൻ ഇവാനോവിച്ച് എന്ന ഡമ്മിയെയും ചെർണുഷ്ക എന്ന നായയെയും മറ്റു ചില ജീവികളെയും വഹിച്ച 'സ്പുട്നിക് 9' ബഹിരാകാശത്തേക്കു വിക്ഷേപിച്ചു (1961).
English Summary : Thozhilveedhi Exam Guide - Today In History - March 9