'ആന്ധ്ര കേസരി' എന്നറിയപ്പെടുന്നത് ആര്?
Mail This Article
∙എയ്ഡ്സിനു കാരണമാകുന്ന എച്ച്ഐവി വൈറസിന്റെ കണ്ടെത്തൽ 'സയൻസ്' എന്ന ജേണലിൽ 1983 മെയ് ന് പ്രസിദ്ധീകരിച്ചു. പാരീസിലെ പാസ് ചർ ഇൻസ്റ്റിറ്റ്യൂട്ടിലെ ലൂക് മൊണ്ടനിയറും സംഘവുമാണ് ഇതു പ്രസിദ്ധീകരിച്ചത്.
∙'ആന്ധ്ര കേസരി' എന്നറിയപ്പെട്ട ആന്ധ്ര മുൻ മുഖ്യമന്ത്രി ടി. പ്രകാശം അന്തരിച്ചു (1957). 1921 ൽ ഒറ്റപ്പാലത്തു നടന്ന ഒന്നാം അഖില കേരള കോൺഗ്രസ് സമ്മേളനത്തിന്റെ അധ്യക്ഷനായിരുന്നു.
∙ഐക്യരാഷ്ട്ര സംഘടന ആഹ്വാനപ്രകാരം ലോക തേനീച്ച ദിനമായി ആചരിക്കുന്നു.
∙പോർച്ചുഗീസ് നാവികൻ വാസ്കോ ഡ ഗാമ കോഴിക്കോട്ടു കപ്പലിറങ്ങി (1498). കടൽ മാർഗം ഇന്ത്യയിലെത്തിയ ആദ്യ യൂറോപ്യൻ.
∙ലോക അളവുതൂക്ക ദിനം (World Metrology Day). 1875 ൽ ഈ ദിവസമാണു പാരിസിൽ മീറ്റർ കൺവൻഷൻ ഒപ്പുവച്ചത്.
∙ഇറ്റാലിയൻ സാഹസിക സഞ്ചാരി ക്രിസ്റ്റഫർ കൊളംബസ് സ്പെയിനിൽ അന്തരിച്ചു (1506). നീനാ, പിന്റ, സാന്റ മരിയ എന്നിവയായിരുന്നു അദ്ദേഹത്തിന്റെ കപ്പലുകൾ.
English Summary: Exam Guide - May 20 - Today in history