ഇന്ന് ദേശീയ ഭീകരവാദ വിരുദ്ധ ദിനം
Mail This Article
∙ഐക്യരാഷ്ട്ര സംഘടന ആഹ്വാനപ്രകാരം രാജ്യാന്തര ചായ ദിനമായി (International Tea Day) ആചരിക്കുന്നു. 2019 ലെ തീരുമാനപ്രകാരം 2020 ലാണ് ആദ്യമായി ആചരിച്ചത്.
∙മഹാത്മാഗാന്ധിയുടെ ആത്മകഥയിൽ പരാമർശമുള്ള ഏക മലയാളി, ബാരിസ്റ്റർ ജി.പി. പിള്ള 39 -ആം വയസ്സിൽ അന്തരിച്ചു (1903). 'ആധുനിക തിരുവിതാംകൂറിലെ രാഷ്ട്രീയ പ്രക്ഷോഭങ്ങളുടെ പിതാവ്' എന്നറിയപ്പെട്ടു. മലയാളി മെമ്മോറിയലിന്റെ ചാലകശക്തി ഇദ്ദേഹമായിരുന്നു.
∙ദേശീയ ഭീകരവാദ വിരുദ്ധ ദിനം. മുൻ പ്രധാനമന്ത്രി രാജീവ് ഗാന്ധി 1991 ൽ ശ്രീപെരംപുതൂരിൽ വധിക്കപ്പെട്ടതിന്റെ ഓർമ ദിനം.
∙രാജ്യാന്തര ഫുട്ബോൾ സംഘടന ഫിഫ (Federation Internationale de Football Association) പാരിസിൽ സ്ഥാപിതമായി (1904). സ്വിറ്റ്സർലൻഡിലെ സൂറിച്ച് ആണു ഫിഫയുടെ ആസ്ഥാനം.
∙മലയാളത്തിന്റെ അഭിനയവിസ്മയം മോഹൻലാൽ പത്തനംതിട്ടയിലെ ഇലന്തൂരിൽ ജനിച്ചു (1960).
∙'മിസ് യൂണിവേഴ്സ്' കിരീടം നേടുന്ന ആദ്യ ഇന്ത്യക്കാരിയായി സുസ്മിത സെൻ (1994). ഫിലിപ്പീൻസിലായിരുന്നു മത്സരം.
English Summary: Exam Guide - May 21 - Today in history