'ഭാരതപര്യടനം' എന്ന കൃതി രചിച്ചതാര്?
Mail This Article
∙ലോകാരോഗ്യ സംഘടനയുടെ നേതൃത്വത്തിൽ ലോക രക്തദാനദിനമായി ആചരിക്കുന്നു. രക്ത ഗ്രൂപ്പുകളെ തിരിച്ചറിഞ്ഞ കാൾ ലാൻഡ്സ്റ്റെയ്നറുടെ ജന്മദിനം.
∙ഫിലഡൽഫിയയിൽ നടന്ന രണ്ടാം കോണ്ടിനന്റൽ കോൺഗ്രസ് യുഎസിന്റെ ദേശീയപതാകയ്ക്ക് അംഗീകാരം നൽകി (1777). സ്റ്റാർസ് ആൻറ് സ്ട്രൈപ്സ്, ഓൾഡ് ഗ്ലോറി, സ്റ്റാർ സ്പാൻഗ്ൾഡ് ബാനർ എന്നിങ്ങനെ അറിയപ്പെട്ടു.
∙വിപ്ലവകാരി ചെ ഗുവാര അർജന്റീനയിലെ റൊസാരിയോയിൽ ജനിച്ചു (1928). ഏണസ്റ്റോ ഗുവാര ദെ ലാ സെർന എന്നാണു യഥാർഥ പേര്. ക്യൂബൻ വ്യവസായ മന്ത്രിയും ദേശീയ ബാങ്ക് പ്രസിഡന്റുമായിരുന്നു.
∙പ്രശസ്ത പക്ഷിനിരീക്ഷകനും പരിസ്ഥിതി പ്രവർത്തകനുമായ ഇന്ദുചൂഡൻ (കെ.കെ. നീലകണ്ഠൻ) അന്തരിച്ചു (1992). കേരളത്തിലെ പക്ഷികൾ, പക്ഷികളും മനുഷ്യരും, പുല്ലുതൊട്ട് പൂനാര വരെ എന്നിവ പ്രധാന കൃതികളാണ്.
∙മുൻ ലോക ഒന്നാം നമ്പർ വനിതാ ടെന്നിസ് താരവും ഗോൾഡൻ സ്ലാം നേടിയ ഒരേയൊരു താരവുമായ സ്റ്റെഫി ഗ്രാഫ് ജർമനിയിൽ ജനിച്ചു (1969).
∙ 'ഭാരതപര്യടനം' എന്ന കൃതിയിലൂടെ വിഖ്യാതനായ സാഹിത്യവിമർശകൻ കുട്ടികൃഷ്ണമാരാർ ജനിച്ചു (1900). 'കല ജീവിതം തന്നെ' എന്ന പുസ്തകത്തിനു കേന്ദ്ര -കേരള സാഹിത്യ അക്കാദമി പുരസ്കാരങ്ങൾ ലഭിച്ചു.
English Summary: Exam Guide - June 14 - Today in history