നബാർഡ് രൂപീകൃതമായതെപ്പോൾ?
Mail This Article
∙ഐക്യരാഷ്ട്ര സംഘടന ആഹ്വാനപ്രകാരം മലാല ദിനമായി ആചരിക്കുന്നു. ഏറ്റവും പ്രായം കുറഞ്ഞ നൊബേൽ സമ്മാന ജേതാവായ മലാല യൂസഫ്സായിയുടെ ജന്മദിനം (1997).
∙നാഷനൽ ബാങ്ക് ഫോർ അഗ്രികൾചർ ആൻഡ് റൂറൽ ഡവലപ്മെന്റ് (നബാർഡ്) സ്ഥാപിതമായി (1982). ബി. ശിവരാമൻ കമ്മിറ്റി ശുപാർശ പ്രകാരമാണിതു നിലവിൽ വന്നത്.
∙ആദ്യമായി ഫ്രാൻസ് ലോകകപ്പ് ഫുട്ബോൾ ജേതാക്കളായി (1998). ഫ്രാൻസിലെ സ്റ്റേഡ് ദെ ഫ്രാൻസിൽ നടന്ന ഫൈനലിൽ ബ്രസീലിനെ 3-0 നാണു പരാജയപ്പെടുത്തിയത്.
∙ആധാർ ആക്ട് 2016 പ്രകാരം യുണീക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (UIDAI)നിലവിൽ വന്നു (2016). ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയത്തിനു കീഴിലെ നിയമപരമായ അതോറിറ്റിയാണ്.
∙പ്ലാസ്റ്റിക് ഉപയോഗം കുറയ്ക്കാനുള്ള അവബോധത്തിനായി പേപ്പർ ബാഗ് ദിനമായി ആചരിക്കുന്നു.
∙ചിലെ കവിയും നയതന്ത്രജ്ഞനുമായ പാബ്ലോ നെരൂദ ജനിച്ചു (1904). 1971 ലെ സാഹിത്യ നൊബേൽ ജേതാവ്. റിക്കാർഡോ എലിസെർ നെഫ്താലി റെയ്സ് ബസോൽറ്റോ എന്നായിരുന്നു യഥാർഥ പേര്.
∙1978 -'79 ലെ കേരള മുഖ്യമന്ത്രി പി.കെ. വാസുദേവൻ നായർ അന്തരിച്ചു (2005). 'ഒരു കമ്യൂണിസ്റ്റുകാരന്റെ ഓർമക്കുറിപ്പുകൾ' ഇദ്ദേഹത്തിന്റെ കൃതിയാണ്.
English Summary: Exam Guide - July 12 - Today in history