സ്വാതന്ത്ര്യാനന്തരം ഒളിംപിക്സിൽ വെള്ളി നേടിയ ആദ്യ ഇന്ത്യക്കാരൻ ആര്?
Mail This Article
∙പത്താം ഭരണഘടനാ ഭേദഗതിയിലൂടെ ദാദ്ര -നഗർഹവേലി ഇന്ത്യൻ യൂണിയനിലെ കേന്ദ്ര ഭരണപ്രദേശമായി (1961). 2020 ജനുവരി 26 ന് ദാദ്ര ആൻഡ് നഗർ ഹവേലി ആൻഡ് ദാമൻ ആൻഡ് ദിയു എന്ന കേന്ദ്രഭരണ പ്രദേശം നിലവിൽ വന്നു.
∙യുഎസ് ജ്യോതിശാസ്ത്രജ്ഞൻ അസഫ് ഹാൾ, ചൊവ്വയുടെ ഉപഗ്രഹമായ 'ഡീമോസ്' കണ്ടെത്തി (1877). ആറു ദിവസത്തിനു ശേഷം ഇദ്ദേഹം തന്നെയാണു ചൊവ്വയുടെ രണ്ടാമത്തെ ഉപഗ്രഹമായ 'ഫോബോസ്' കണ്ടെത്തിയതും.
∙മലയാളത്തിലെ ആദ്യ ജനകീയ സിനിമയായ 'അമ്മ അറിയാൻ' സംവിധാനം ചെയ്ത ജോൺ ഏബ്രഹാം ജനിച്ചു (1937). ചെറിയാച്ചന്റെ ക്രൂരകൃത്യങ്ങൾ, വിദ്യാർഥികളേ ഇതിലേ ഇതിലേ, അഗ്രഹാരത്തിൽ കഴുത എന്നിവയാണു സംവിധാനം ചെയ്ത മറ്റു ചിത്രങ്ങൾ.
Special Focus
2008
∙ഒളിംപിക്സിൽ വ്യക്തിഗത സ്വർണം നേടിയ ആദ്യത്തെ ഇന്ത്യക്കാരനായി അഭിനവ് ബിന്ദ്ര. ബെയ്ജിങ് ഒളിംപിക്സിൽ പുരുഷന്മാരുടെ 10 മീറ്റർ എയർ റൈഫിളിലായിരുന്നു നേട്ടം.
∙ ഈ വർഷം ടോക്കിയോയിൽ നടന്ന ഒളിംപിക്സിൽ പുരുഷ ജാവലിൻ ത്രോയിൽ നീരജ് ചോപ്ര നേടിയതാണ് ഇന്ത്യയുടെ രണ്ടാമത്തെ വ്യക്തിഗത ഒളിംപിക് സ്വർണം.
∙ഇന്ത്യയെ പ്രതിനിധീകരിച്ച് രണ്ടു വ്യക്തിഗത ഒളിംപിക് മെഡൽ നേടിയ ഏക വനിത ബാഡ്മിന്റൺ താരം പി. വി. സിന്ധുവാണ്. 2016 റിയോ ഒളിംപിക്സിൽ വെള്ളിയും ഇത്തവണ വെങ്കലവും. ഒളിംപിക്സിൽ വെള്ളി മെഡൽ നേടിയ ആദ്യ ഇന്ത്യക്കാരിയും സിന്ധുവാണ്.
∙രാജ്യവർധൻ സിങ് റാത്തോഡാണ് സ്വാതന്ത്ര്യാനന്തരം ഒളിംപിക്സിൽ വെള്ളി നേടിയ ആദ്യ ഇന്ത്യക്കാരൻ.
∙സ്വാതന്ത്ര്യാനന്തരം രണ്ടു വ്യക്തിഗത ഒളിംപിക് മെഡൽ നേടിയ ഏക ഇന്ത്യക്കാരൻ സുശീൽ കുമാറാണ്. 2008 ൽ വെങ്കലവും 2012 ലണ്ടനിൽ വെള്ളിയും.
English Summary: Today In History