ഹാലിയും ഇനി 2061ൽ പ്രത്യക്ഷപ്പെടുന്ന വാൽ നക്ഷത്രവും; ചരിത്രത്തിൽ ഇന്ന്

HIGHLIGHTS
  • ചരിത്രത്തിൽ ഇന്ന് – 14 ജനുവരി
career-kerala-psc-rank-file-today-in-history-fourteen-january
Photo Credit : Brian Donovan / Shutterstock.com
SHARE

∙ സുപ്രീംകോടതി ചീഫ് ജസ്റ്റിസായ ഏക മലയാളി ജസ്റ്റിസ് കെ. ജി. ബാലകൃഷ്ണൻ ആ പദവിയിൽ ചുമതലയേറ്റു (2007). ദേശീയ മനുഷ്യാവകാശ കമ്മിഷൻ ചെയർമാനായ ആദ്യ മലയാളിയുമാണ്. 

∙ ‘ആലീസിന്റെ അദ്ഭുതലോക’ത്തിലൂടെ സാഹിത്യത്തിൽ ചിരപ്രതിഷ്ഠ നേടിയ ലൂയിസ് കാരൾ അന്തരിച്ചു (1898). ഇരുട്ടിലും എഴുതാൻ സഹായകമായ നിക്ടോഗ്രഫിയുടെ ഉപജ്ഞാതാവാണ്. ചാൾസ് ലുട്‌വിജ് ഡോഡ്ജ്സൺ എന്നാണു യഥാർഥ പേര്. 

∙ ഇംഗ്ലിഷ് ജ്യോതിശാസ്ത്രജ്ഞൻ എഡ്മണ്ട് ഹാലി അന്തരിച്ചു (1742). 75–76 വർഷം കൊണ്ട് ഒരു പരിക്രമണം പൂർത്തിയാക്കുന്ന ഹാലിയുടെ വാൽ നക്ഷത്രം ഇദ്ദേഹത്തിന്റെ പേരിലാണ്. 1986 ലാണ് ഒടുവിൽ പ്രത്യക്ഷപ്പെട്ടത്. ഇനി 2061 ലാണു കാണുക. 

 

സ്പെഷൽ ഫോക്കസ് 1761

∙ മൂന്നാം പാനിപ്പത്ത് യുദ്ധം

∙ മറാത്ത സാമ്രാജ്യവും അഹമ്മദ് ഷാ ദുറാനിയുടെ അഫ്ഗാൻ സൈന്യവും തമ്മിൽ നടന്ന ഈ യുദ്ധം മറാത്ത സാമ്രാജ്യത്തിന്റെ അന്ത്യം കുറിച്ചു. 

∙1526 ലെ ഒന്നാം പാനിപ്പത്ത് യുദ്ധത്തിൽ ഇബ്രാഹിം ലോദിയെ പരാജയപ്പെടുത്തി ബാബർ ഇന്ത്യയിൽ മുഗൾ ഭരണത്തിന് അടിത്തറയിട്ടു. 1556 ലെ രണ്ടാം പാനിപ്പത്ത് യുദ്ധത്തിൽ അക്ബറുടെ മുഗൾ സൈന്യം ഹെമുവിന്റെ സൈന്യത്തെ പരാജയപ്പെടുത്തി. 

∙ ഹരിയാനയിലെ ചരിത്രനഗരമാണ് പാനിപ്പത്ത്. പാണ്ഡുപ്രസ്ഥ എന്നായിരുന്നു പഴയ പേര്. ‘നെയ്ത്തുപട്ടണം’ എന്നറിയപ്പെടുന്നു.

Content Summary : Exam Guide - Today In History - 14 January 

ഐഎഎസ് /ഐപിഎസ് പരീക്ഷകൾക്ക് ഒരുങ്ങാം ഓൺലൈനായി. കൂടുതൽ വിവരങ്ങൾക്കായിസന്ദർശിക്കൂ

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN EXAM GUIDE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

പേടിയില്ല, ഇതും ഒരു തൊഴിൽ | Well of Death | Lady bike rider | Manorama Online

MORE VIDEOS
FROM ONMANORAMA