7 അധ്യാപകർക്ക് മനോരമ ഹൊറൈസൺ ഗുരുവന്ദനം പുരസ്കാരം
Mail This Article
കേരള, സിബിഎസ്ഇ സിലബസുകളിൽ 3 പേർക്കു വീതവും സ്പെഷൽ സ്കൂൾ വിഭാഗത്തിൽ ഒരാൾക്കും മലയാള മനോരമയുടെ വിദ്യാഭ്യാസ പോർട്ടലായ മനോരമ ഹൊറൈസന്റെ ഗുരുവന്ദനം പുരസ്കാരം.
∙ കേരള സിലബസ്: സ്വപ്ന മാത്യു, സെന്റ് സെബാസ്റ്റ്യൻസ് എൽപി സ്കൂൾ, കൂടരഞ്ഞി, കോഴിക്കോട് (പ്രൈമറി) സി.വി. അനൂപ്, എസ്എസ്ഒഎച്ച്എസ്, ലക്കിടി, പാലക്കാട് (സെക്കൻഡറി വിഭാഗം) ജോയി ജോൺ, സെന്റ് ജോസഫ്സ് എച്ച്എസ്എസ്, തിരുവനന്തപുരം (ഹയർ സെക്കൻഡറി).
∙ സിബിഎസ്ഇ: മേരി ക്ലമൻസ്, സെന്റ് കുര്യാക്കോസ് പബ്ലിക് സ്കൂൾ, കടുത്തുരുത്തി, കോട്ടയം (പ്രൈമറി), സുഹൈല, എം.പി ഇന്റർനാഷനൽ സ്കൂൾ, കാസർകോട് (സെക്കൻഡറി), പ്രീതി രാജീവ്, കൊച്ചിൻ റിഫൈനറീസ് സ്കൂൾ, തിരുവാണിയൂർ, എറണാകുളം (സീനിയർ സെക്കൻഡറി).
∙ സ്പെഷൽ സ്കൂൾ വിഭാഗം: എ. മേരിക്കുട്ടി, സിഎംഐ സ്കൂൾ ഫോർ ദ് ഡെഫ്, ഏനാത്ത്, പത്തനംതിട്ട (പ്രൈമറി) എന്നിവർ അവാർഡ് നേടി.
കോവിഡ് കാല പ്രതിസന്ധികളെ സാങ്കേതികവിദ്യയുടെ സഹായത്തോടെ അതിജീവിക്കുന്നതിൽ കാട്ടിയ മികവിനാണ് അംഗീകാരം. മുൻ ചീഫ് സെക്രട്ടറി ജിജി തോംസൺ, എംജി, കേരള കേന്ദ്ര സർവകലാശാലകളുടെ വൈസ് ചാൻസലറും യുപിഎസ്സി സിലക്ഷൻ ബോർഡ് അംഗവുമായിരുന്ന ഡോ. ജാൻസി ജയിംസ്, ഡോ. രാജീവ് രാമചന്ദ്രൻ എന്നിവർ ചേർന്നാണ് ആയിരത്തോളം എൻട്രികളിൽനിന്നു വിജയികളെ തിരഞ്ഞെടുത്തത്. പുരസ്കാര പ്രഖ്യാപനം ഇന്നു വൈകിട്ട് 7.30നു മനോരമ ന്യൂസിൽ സംപ്രേഷണം ചെയ്യും.
Manorama Horizon| Guruvandanam Awards