മിനിരത്ന കമ്പനിയായ ഡൽഹിയിലെ നാഷനൽ സീഡ്സ് കോർപറേഷൻ ലിമിറ്റഡ് വിവിധ തസ്തികയിലെ ഒഴിവുകളിലേക്ക് അപേക്ഷ ക്ഷണിച്ചു. കോർപറേറ്റ്, റീജനൽ, ഫാം ഒാഫിസുകളിലായി ആകെ 260 ഒഴിവുകളുണ്ട്. നേരിട്ടുള്ള നിയമനമാണ്. ഒാൺലൈനായി അപേക്ഷിക്കണം. അപേക്ഷ സ്വീകരിക്കുന്ന അവസാന തീയതി: ഫെബ്രുവരി ഒൻപത്.
ഡപ്യൂട്ടി ജനറൽ മാനേജർ (വിജിലൻസ്) (ഒഴിവ്-ഒന്ന്), അസിസ്റ്റന്റ് (ലീഗൽ) ഗ്രേഡ്-I (ഒഴിവ്-നാല്), മാനേജ്മെന്റ്് ട്രെയിനി (പ്രൊഡക്ഷൻ (ഒഴിവ്-അഞ്ച്), മാർക്കറ്റിങ് (ഒഴിവ്-അഞ്ച്), ഹ്യൂമൻ റിസോഴ്സ് (ഒഴിവ്-രണ്ട്), ലീഗൽ (ഒഴിവ്-ഒന്ന്), ക്വാളിറ്റി കൺട്രോൾ (ഒഴിവ്-അഞ്ച്)), സീനിയർ ട്രെയിനി (അഗ്രിക്കൾച്ചർ (ഒഴിവ്-49), ഹ്യൂമൻ റിസോഴ്സ് (ഒഴിവ്-അഞ്ച്), ലോജിസ്റ്റിക്സ് (ഒഴിവ്-12), ക്വാളിറ്റി കൺട്രോൾ (ഒഴിവ്-19)), ഡിപ്ലോമ ട്രെയിനി (ഇലക്ട്രിക്കൽ എൻജിനീയറിങ്) (ഒഴിവ്-രണ്ട്), ട്രെയിനി (അഗ്രികൾച്ചർ (ഒഴിവ്-45), മാർക്കറ്റിങ് (ഒഴിവ്-32), അഗ്രികൾച്ചർ സ്റ്റോഴ്സ് (ഒഴിവ്-16), ടെക്നീഷ്യൻ (ഡീസൽ മെക്കാനിക്, മെഷീൻമാൻ, ഒാട്ടോ ഇലക്ട്രീഷ്യൻ, വെൽഡർ, ബ്ലാക്സ്മിത്ത്) (ഒഴിവ്-16), സ്റ്റോഴ്സ് (എൻജിനീയറിങ്) (ഒഴിവ്-അഞ്ച്), സ്റ്റെനോഗ്രഫർ (ഒഴിവ്-എട്ട്), ക്വാളിറ്റി കൺട്രോൾ (ഒഴിവ്-ഏഴ്), ഡേറ്റാ എൻട്രി ഒാപ്പറേറ്റർ (ഒഴിവ്-മൂന്ന്)), ട്രെയിനി മേറ്റ് (അഗ്രികൾച്ചർ) (ഒഴിവ്-18) എന്നിങ്ങനെയാണ് ഒഴിവുകൾ. പ്രധാന തസ്തികയുടെ വിശദവിവരങ്ങൾ ചുവടെ
സീനിയർ ട്രെയിനി:- അഗ്രികൾച്ചർ (ഒഴിവ്-49), ക്വാളിറ്റി കൺട്രോൾ (ഒഴിവ്-19): കുറഞ്ഞത് 55% മാർക്കോടെ അഗ്രോണമി/സീഡ് ടെക്നേളജി/പ്ലാന്റ് ബ്രീഡിങ് ആൻഡ് ജെനറ്റിക്സ് സ്പെഷലൈസേഷനോടുകൂടി എംഎസ്സി അഗ്രികൾച്ചർ, കംപ്യൂട്ടർ പരിജ്ഞാനം (എംഎസ് ഒാഫിസ്), 27 വയസ് കവിയരുത്, 23936 രൂപ.
ട്രെയിനി:- അഗ്രികൾച്ചർ (ഒഴിവ്-45), മാർക്കറ്റിങ് (ഒഴിവ്-32), അഗ്രികൾച്ചർ സ്റ്റോഴ്സ് (ഒഴിവ്-16): കുറഞ്ഞത് 60% മാർക്കോടെ ബിഎസ്സി അഗ്രികൾച്ചർ, കംപ്യൂട്ടർ പരിജ്ഞാനം (എംഎസ് ഒാഫിസ്), 27 വയസ് കവിയരുത്, 18496 രൂപ.
ടെക്നീഷ്യൻ (ഡീസൽ മെക്കാനിക്, മെഷീൻമാൻ, ഒാട്ടോ ഇലക്ട്രീഷ്യൻ, വെൽഡർ, ബ്ലാക്സ്മിത്ത്) (ഒഴിവ്-16): കുറഞ്ഞത് 60% മാർക്കോടെ ബന്ധപ്പെട്ട ട്രേഡിൽ ഐടിഐ സർട്ടിഫിക്കറ്റ്, ഒരു വർഷത്തെ ട്രേഡ് അപ്രന്റിസ്ഷിപ്പ് പരിശീലനം, എൻഎസി പരീക്ഷാജയം (എൻസിവിടി അംഗീകൃതം), 27 വയസ് കവിയരുത്, 18496 രൂപ.
ട്രെയിനി മേറ്റ് (അഗ്രികൾച്ചർ) (ഒഴിവ്-18): ഇന്റർമീഡിയറ്റ് (അഗ്രികൾച്ചർ/പ്ലസ്ടു) അല്ലെങ്കിൽ തത്തുല്യം (സയൻസ്-ബയോളജി ഒരു വിഷയമായി പഠിച്ചിരിക്കണം), മികച്ച ശാരീരിക ക്ഷമത, 25 വയസ് കവിയരുത്, 17952 രൂപ. 2019 ഫെബ്രുവരി ഒൻപത് അടിസ്ഥാനമാക്കി പ്രായം കണക്കാക്കും. അർഹരായവർക്ക് ഉയർന്നപ്രായപരിധിയിൽ ചട്ടപ്രകാരം ഇളവ് ലഭിക്കും.
വിശദവിവരങ്ങൾക്ക്: www.indiaseeds.com
Job Tips >>