ADVERTISEMENT

കേന്ദ്ര യുവജനകാര്യ കായിക മന്ത്രാലയത്തിന് കീഴിലുള്ള ജില്ലാ നെഹ്‌റു യുവ കേന്ദ്രങ്ങളിൽ നാഷനൽ യൂത്ത് വൊളന്റിയർമാരായി നിയമിക്കപ്പെടുന്നതിന് അപേക്ഷ ക്ഷണിച്ചു. കേരളത്തിലെ 14 ജില്ലകളിൽ ആകെയുള്ള 152 ബ്ലോക്കുകളിലുമായി 332 യുവതീ-യുവാക്കൾക്ക് വൊളന്റിയർമാരാകാൻ അവസരം ലഭിക്കും. നെഹ്‌റു യുവകേന്ദ്ര നടപ്പാക്കുന്ന യുവജന ക്ഷേമ പരിപാടികൾ സംഘടിപ്പിക്കുന്നതിന് നേതൃത്വം നൽകുകയും  യൂത്ത് ക്ലബുകളുടെ പ്രവർത്തനങ്ങൾ ഏകോപിപ്പിക്കുകയുമാണ് വൊളന്റിയർമാരുടെ പ്രധാന കർത്തവ്യങ്ങൾ.

യോഗ്യത: എസ്എസ്എൽസി ജയം. ഉയർന്ന വിദ്യാഭ്യാസ യോഗ്യതയുള്ളവർ, കംപ്യൂട്ടർ പരിജ്ഞാനമുള്ളവർ, നെഹ്‌റു യുവ കേന്ദ്രയിൽ അഫിലിയേറ്റ് ചെയ്ത യൂത്ത് ക്ലബുകളിലെ അംഗങ്ങൾ എന്നിവർക്ക് മുൻഗണന ലഭിക്കും. പ്രായം (2018  ഏപ്രിൽ 1 ന്): 18-29 വയസ്.

പരിശീലനത്തിന് ശേഷം ബ്ലോക്ക് തലത്തിൽ നിയോഗിക്കപ്പെടുന്ന  വൊളന്റിയർമാർക്ക് പ്രതിമാസം 5000 രൂപ ഓണറേറിയം ലഭിക്കും. അപേക്ഷകർ അതത് ജില്ലകളിൽ സ്ഥിര താമസക്കാരായിരിക്കണം. റഗുലർ കോഴ്സിനു പഠിക്കുന്നവർ അപേക്ഷിക്കാൻ അർഹരല്ല. താൽപര്യമുള്ളവർ അതത് ജില്ലകളിലെ നെഹ്‌റു യുവകേന്ദ്രാ ജില്ലാ യൂത്ത് കോർഡിനേറ്റർമാർക്ക് മാർച്ച് 3 നകം നിശ്ചിത മാതൃകയിലുള്ള അപേക്ഷ സമർപ്പിക്കണം. അപേക്ഷാഫോം ഡൗൺലോഡ് ചെയ്യുന്നതിനും ഓൺലൈനായി സമർപ്പിക്കുന്നതിനും www.nyks.nic.in  എന്ന വെബ്സൈറ്റ് സന്ദർശിക്കുക.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com