NTRO: 127 ടെക്നിക്കൽ അസിസ്റ്റന്റ്, ശമ്പളം: 35,400 -1,12,400

നാഷനൽ ടെക്നിക്കൽ റിസർച് ഒാർഗനൈസേഷനിൽ ടെക്നിക്കൽ അസിസ്റ്റന്റ് (ജനറൽ സെൻട്രൽ സിവിൽ സർവീസ്, ഗ്രൂപ്പ്- ‘ബി’) എക്സാമിനേഷൻ- 2019 ലേക്ക് അപേക്ഷ ക്ഷണിച്ചു. ഇലക്ട്രോണിക്സ്, കംപ്യൂട്ടർ സയൻസ് വിഭാഗങ്ങളിലാണ് അവസരം. 127 ഒഴിവുകളുണ്ട്. മാർച്ച് 15 മുതൽ ഒാൺലൈനായി അപേക്ഷിക്കാം.

അപേക്ഷ സ്വീകരിക്കുന്ന അവസാന തീയതി: ഏപ്രിൽ നാല്.

വിഭാഗം, യോഗ്യത എന്നിവ ചുവടെ.

ഇലക്ട്രോണിക്സ്: മാത്തമാറ്റിക്സ് അല്ലെങ്കിൽ ഫിസിക്സ് ഒരു വിഷയമായി പഠിച്ച് സയൻസ് ബിരുദം അല്ലെങ്കിൽ ഇലക്ട്രോണിക്സ്/ കമ്യൂണിക്കേഷൻ/ഇലക്ട്രോണിക്സ് ആൻഡ് കമ്യൂണിക്കേഷൻ/ടെലി കമ്യൂണിക്കേഷൻ/ ഇലക്ട്രോണിക്സ് ആൻ‍‍ഡ് ടെലികമ്യൂണിക്കേഷനിൽ ത്രിവൽസര ഡിപ്ലോമ (എൻജിനിയറിങ്/ടെക്നോളജി) അല്ലെങ്കിൽ ആംഡ് ഫോഴ്സ് നൽകിയ  ഇലക്ട്രോണിക്സ്/ കമ്യൂണിക്കേഷൻ/ ഇലക്ട്രോണിക്സ് ആൻഡ് കമ്യൂണിക്കേഷൻ/ടെലികമ്യൂണിക്കേഷൻ/ ഇലക്ട്രോണിക്സ് ആൻ‍‍ഡ് ടെലികമ്യൂണിക്കേഷനിൽ ഡിപ്ലോമ/ ടെക്നിക്കൽ പ്രൊഫിഷന്‍സി സർട്ടിഫിക്കറ്റ് (എൻജിനീയറിങ്/ ടെക്നോളജി), കംപ്യൂട്ടർ പരിജ്ഞാനം.

കംപ്യൂട്ടർ സയൻസ്: മാത്തമാറ്റിക്സ് അല്ലെങ്കിൽ ഫിസിക്സ് ഒരു വിഷയമായി പഠിച്ച് സയൻസ് ബിരുദം. അല്ലെങ്കിൽ കംപ്യൂട്ടർ ആപ്ലിക്കേഷൻസിൽ ബിരുദം, അല്ലെങ്കിൽ കംപ്യൂട്ടർ/കംപ്യൂട്ടർ സയൻസ്/ കംപ്യൂട്ടർ ടെക്നോളജി/ കംപ്യൂട്ടർ സയൻസ് ആൻഡ് ഇൻഫർമേഷൻ ടെക്നോളജി/ ഇൻഫർമേഷൻ ടെക്നോളജിയിൽ ത്രിവൽസര ഡിപ്ലോമ (എൻജിനീയറിങ്/ടെക്നോളജി), അല്ലെങ്കിൽ ആംഡ് ഫോഴ്സ് നൽകിയ കംപ്യൂട്ടർ/കംപ്യൂട്ടർ സയൻസ്/കംപ്യൂട്ടർ ടെക്നോളജി/കംപ്യൂട്ടർ സയൻസ് ആൻഡ് ഇൻഫർമേഷൻ ടെക്നോളജി/ഇൻഫർമേഷൻ ടെക്നോളജിയിൽ ഡിപ്ലോമ/ടെക്നിക്കൽ പ്രൊഫിഷന്‍സി സർട്ടിഫിക്കറ്റ്, കംപ്യൂട്ടർ പരിജ്ഞാനം.

പ്രായപരിധി: 30 വയസ്. അർഹരായവർക്ക് ഉയർന്ന പ്രായപരിധിയിൽ ചട്ടപ്രകാരം ഇളവു ലഭിക്കും.

തിരഞ്ഞെടുപ്പ്: യോഗ്യതാപരീക്ഷയുടെ മാർക്കിന്റെയും, എഴുത്തുപരീക്ഷയുടെയും (കംപ്യൂട്ടർ അധിഷ്ഠിതം) അടിസ്ഥാനത്തിലാണ് തിരഞ്ഞെടുപ്പ്. രാജ്യത്തെ 15 പരീക്ഷാകേന്ദ്രങ്ങളിൽ വച്ച് എഴുത്തുപരീക്ഷ നടത്തും. കേരളത്തിൽ തിരുവനന്തപുരം/കൊച്ചിയിൽ പരീക്ഷാകേന്ദ്രമുണ്ട്. 

വിശദവിവരങ്ങൾക്ക്: https://ntrorectt.in.