BHEL: 400 അപ്രന്റിസ്, സ്റ്റൈപ്പെൻഡ്: 8,656–11,129 രൂപ
Mail This Article
തിരുച്ചിറപ്പള്ളി ഭാരത് ഹെവി ഇലക്‌ട്രിക്കൽസ് ലിമിറ്റഡ് വിവിധ വിഭാഗങ്ങളിൽ ട്രേഡ് അപ്രന്റിസ് ഒഴിവുകളിലേക്ക് അപേക്ഷ ക്ഷണിച്ചു. 400 ഒഴിവുകളാണുള്ളത്. 2019 ഏപ്രിൽ ബാച്ചിലേക്കാണ് തിരഞ്ഞെടുപ്പ്. ഒാൺലൈനായി അപേക്ഷിക്കണം.
അപേക്ഷ സ്വീകരിക്കുന്ന അവസാന തീയതി: മാർച്ച് 30.
യോഗ്യത ചുവടെ
ഫിറ്റർ/ടർണർ/ഇലക്ട്രീഷ്യൻ/ഇലക്ട്രോണിക് മെക്കാനിക്/ഇൻസ്ട്രമെന്റ് മെക്കാനിക്/എസി ആൻഡ് റഫ്രിജറേഷൻ/ഡീസൽ മെക്കാനിക്: സയൻസ്, മാത്‌സ് എന്നിവ വിഷയങ്ങളായി പഠിച്ച് പത്താം ക്ലാസ് ജയം (10+2 രീതി) അല്ലെങ്കിൽ തത്തുല്യം, പ്രസ്തുത ട്രേഡിൽ ദ്വിവൽസര ഐടിഐ ജയം, എൻസിവിടി നൽകുന്ന നാഷനൽ ട്രേഡ് സർട്ടിഫിക്കറ്റ്.
വെൽഡർ (ജി ആൻഡ് ഇ): 10+2 രീതിയിൽ പത്താം ക്ലാസ് ജയം അല്ലെങ്കിൽ തത്തുല്യം, പ്രസ്തുത ട്രേഡിൽ ഒരു വർഷത്തെ ഐടിഐ ജയം, എൻസിടിവിടി നൽകുന്ന നാഷനൽ ട്രേഡ് സർട്ടിഫിക്കറ്റ്.
മെഷിനിസ്റ്റ്: സയൻസ്, മാത്‌സ് എന്നിവ വിഷയങ്ങളായി പഠിച്ച് പത്താം ക്ലാസ് ജയം (10+2 രീതി) അല്ലെങ്കിൽ തത്തുല്യം, മെഷിനിസ്റ്റ് (മില്ലർ/ കോംപോസിറ്റ്) ട്രേഡിൽ ദ്വിവൽസര ഐടിഐ ജയം, എൻസിവിടി നൽകുന്ന നാഷനൽ ട്രേഡ് സർട്ടിഫിക്കറ്റ്.
വയർമാൻ: 10+2 രീതിയിൽ എട്ടാം ക്ലാസ് ജയം അല്ലെങ്കിൽ തത്തുല്യം, പ്രസ്തുത ട്രേഡിൽ ദ്വിവൽസര ഐടിഐ ജയം, എൻസിവിടി നൽകുന്ന നാഷനൽ ട്രേഡ് സർട്ടിഫിക്കറ്റ്.
ഷീറ്റ് മെറ്റൽ വർക്കർ: 10+2 രീതിയിൽ പത്താം ക്ലാസ് ജയം അല്ലെങ്കിൽ തത്തുല്യം, പ്രസ്തുത ട്രേഡിൽ ഒരു വർഷത്തെ ഐടിഐ ജയം, എൻസിവിടി നൽകുന്ന നാഷനൽ ട്രേഡ് സർട്ടിഫിക്കറ്റ്.
പ്രോഗ്രാം ആൻഡ് സിസ്റ്റം അഡ്മിനിസ്ട്രേഷൻ അസിസ്റ്റന്റ്: പത്താം ക്ലാസ് ജയം (10+2 രീതി) അല്ലെങ്കിൽ തത്തുല്യം, കംപ്യൂട്ടർ ഒാപറേറ്റർ ആൻഡ് പ്രോഗ്രാമിങ് അസിസ്റ്റന്റ് ട്രേഡിൽ ഒരു വർഷത്തെ ഐടിഐ ജയം, എൻസിവിടി നൽകുന്ന നാഷനൽ ട്രേഡ് സർട്ടിഫിക്കറ്റ്.
കാർപെന്റർ: 10+2 രീതിയിൽ പത്താം ക്ലാസ് ജയം അല്ലെങ്കിൽ തത്തുല്യം, പ്രസ്തുത ട്രേഡിൽ ഒരു വർഷത്തെ ഐടിഐ ജയം, എൻസിവിടി നൽകുന്ന നാഷനൽ ട്രേഡ് സർട്ടിഫിക്കറ്റ്.
പ്ലംബർ: 10+2 രീതിയിൽ എട്ടാം ക്ലാസ് ജയം അല്ലെങ്കിൽ തത്തുല്യം, പ്രസ്തുത ട്രേഡിൽ ഒരു വർഷത്തെ ഐടിഐ ജയം, എൻസിവിടി നൽകുന്ന നാഷനൽ ട്രേഡ് സർട്ടിഫിക്കറ്റ്.
എംഎൽടി പതോളജി: 2016,17, 18 വർഷങ്ങളിൽ ഫിസിക്സ്, കെമിസ്ട്രി, ബയോളജി എന്നിവ വിഷയങ്ങളായി പഠിച്ച് പന്ത്രണ്ടാം ക്ലാസ് ജയം.
അസിസ്റ്റന്റ്(ഹ്യൂമൻ റിസോഴ്സസ്): ആർട്ട്സ് ബിരുദ ജയം (ബിഎ) അല്ലെങ്കിൽ ബിസിനസ് അഡ്മിനിസ്ട്രേഷൻ ബിരുദ ജയം (ബിബിഎ). തമിഴ് പരിജ്ഞാനമുള്ളവർക്ക് മുൻഗണന ലഭിക്കും.
പ്രായം: 18- 27 വയസ്. 2019 ഏപ്രിൽ 13 അടിസ്ഥാനമാക്കി പ്രായം കണക്കാക്കും. എസ്‌സി/എസ്ടിക്കാർക്ക് അഞ്ചും ഒബിസിക്കു മൂന്നും ഭിന്നശേഷിക്കാർക്ക് പത്തും വർഷം ഉയർന്ന പ്രായപരിധിയിൽ ഇളവു ലഭിക്കും.
വിശദവിവരങ്ങൾക്ക്: www.bheltry.co.in
