sections
MORE

ന്യൂക്ലിയർ പവർ കോർപറേഷൻ 200 ട്രെയിനി, സ്റ്റൈപൻഡ്: 35,000 രൂപ

Jobs
SHARE

ന്യൂക്ലിയർ പവർ കോർപറേഷൻ ഒാഫ് ഇന്ത്യ ലിമിറ്റഡ് വിവിധ വിഭാഗങ്ങളിലായി എക്സിക്യൂട്ടീവ് ട്രെയിനി (2019) ഒഴിവുകളിലേക്ക് അപേക്ഷ ക്ഷണിച്ചു. ബാക്ക്‌ലോഗ് ഒഴിവുകൾ ഉൾപ്പെടെ 200 ഒഴിവുകളുണ്ട്.  ഗേറ്റ് 2017/2018/2019 സ്കോറിന്റെ അടിസ്ഥാനത്തിലാണ് തിരഞ്ഞെടുപ്പ്. ഏപ്രിൽ ഒൻപതു മുതൽ ഒാൺലൈനായി അപേക്ഷിക്കാം. അപേക്ഷ സ്വീകരിക്കുന്ന അവസാന തീയതി: ഏപ്രിൽ 23.

മെക്കാനിക്കൽ, കെമിക്കൽ, ഇലക്ട്രിക്കൽ, ഇലക്ട്രോണിക്സ്, ഇൻസ്ട്രമെന്റേഷൻ, സിവിൽ വിഭാഗങ്ങളിലാണ് ഒഴിവുകൾ.

യോഗ്യത: കുറഞ്ഞത് മൊത്തം 60% മാർക്കോടെ ബന്ധപ്പെട്ട ഏതെങ്കിലും ഒരു എൻജിനീയറിങ് വിഭാഗത്തിൽ ബിഇ/ബിടെക്/ബിഎസ്‍സി(എൻജിനീയറിങ്)/അഞ്ചു വർഷത്തെ ഇന്റഗ്രേറ്റഡ് എംടെക്. അനുബന്ധ വിഷയത്തിൽ അംഗീകൃത ഗേറ്റ്–2017/2018/2019 സ്കോർ നേടിയിരിക്കണം. നിബന്ധനകൾക്കു വിധേയമായി അവസാനവർഷ എൻജിനീയറിങ് വിദ്യാർഥികൾക്കും അപേക്ഷിക്കാം. 

പ്രായപരിധി: 26 വയസ്. 2019 ഏപ്രിൽ 23 അടിസ്ഥാനമാക്കി പ്രായം കണക്കാക്കും. അർഹരായവർക്ക് ഉയർന്ന പ്രായപരിധിയിൽ ചട്ടപ്രകാരം ഇളവു ല‌ഭിക്കും.

സ്റ്റൈപൻഡ്: 35000 രൂപ.

അപേക്ഷാഫീസ്: 500 രൂപ. ജനറൽ, ഒബിസി, ഇഡബ്ല്യുഎസ് എന്നീ വിഭാഗത്തിൽപ്പെട്ട പുരുഷ ഉദ്യോഗാർഥികൾ മാത്രം ഫീസടച്ചാൽ മതി. 

പരിശീലനം: ഒരു വർഷത്തെ പരിശീലനമാണ്. പരീശീലനം പൂർത്തിയാക്കുന്നവർക്ക് സയന്റിഫിക് ഓഫിസർ/സി തസ്തികയിൽ നിയമനം ലഭിക്കും.  

വിശദവിവരങ്ങൾക്ക്: www.npcilcareers.co.in 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN JOBS & CAREER
SHOW MORE
FROM ONMANORAMA