കേന്ദ്ര സായുധ പൊലീസ് സേനകളിൽ 323 അസി. കമൻഡ‌ാന്റ്

കേന്ദ്ര സായുധ പൊലീസ് സേനകളിൽ അസിസ്‌റ്റന്റ് കമൻഡാന്റ്സ് (ഗ്രൂപ്പ് എ) ഒഴിവുകളിലേക്ക് യൂണിയൻ പബ്ലിക് സർവീസ് കമ്മിഷൻ (യുപിഎസ്‌സി) അപേക്ഷ ക്ഷണിച്ചു. 323 ഒഴിവുകളുണ്ട്. ഓഗസ്റ്റ് 18നു നടത്തുന്ന സെൻട്രൽ ആംഡ് പൊലീസ് ഫോഴ്‌സസ് (അസിസ്‌റ്റന്റ് കമൻഡാന്റ്സ്) പരീക്ഷ–2019 മുഖേനയാണ് തിരഞ്ഞെടുപ്പ്. ബോർഡർ സെക്യൂരിറ്റി ഫോഴ്സ് (ബിഎസ്‌എഫ്), സെൻട്രൽ റിസർവ് പൊലീസ് ഫോഴ്സ് (സിആർപിഎഫ്), സെൻട്രൽ ഇൻഡസ്ട്രിയൽ സെക്യൂരിറ്റി  ഫോഴ്സ് (സിഐഎസ്എഫ്), സശസ്‌ത്ര സീമാബെൽ (എസ്എസ്ബി), ഇന്തോ–ടിബറ്റൻ ബോർഡർ പൊലീസ് (ഐടിബിപി) എന്നീ സേനാവിഭാഗങ്ങളിലാണ് അവസരം. സ്ത്രീകൾക്കും അപേക്ഷിക്കാം. ഓൺലൈനായി അപേക്ഷിക്കണം.

അപേക്ഷ സ്വീകരിക്കുന്ന അവസാന തീയതി: മേയ് 20. 

ഓൺലൈൻ അപേക്ഷ പിൻവലിക്കാനും  അവസരമുണ്ട്. മേയ് 27 മുതൽ ജൂൺ 3 വരെ അപേക്ഷ പിൻവലിക്കാം.  

ഒഴിവുകളുടെ എണ്ണം: 

ബിഎസ്‌എഫ് -100 

സിആർപിഎഫ് –108 

സിഐഎസ്എഫ്–28

ഐടിബിപി–21

എസ്‌എസ്‌ബി –66

പ്രായം: 2019 ഓഗസ്‌റ്റ് ഒന്നിന് 20–25 വയസ്. (1994 ഓഗസ്‌റ്റ് രണ്ടിനു മുൻപോ 1999 ഓഗസ്‌റ്റ് ഒന്നിനു ശേഷമോ ജനിച്ചവരാകരുത്.) എസ്‌സി/ എസ്ടി വിഭാഗക്കാർക്ക് അഞ്ചും ഒബിസിക്കു മൂന്നു വർഷവും ഉയർന്ന പ്രായപരിധിയിൽ ഇളവുണ്ട്. വിമുക്‌തഭടന്മാർക്കും സർക്കാർ ജീവനക്കാർക്കും ഇളവ്  ചട്ടപ്രകാരം.

യോഗ്യത: അംഗീകൃത ബിരുദം/ തത്തുല്യം. നിശ്‌ചിത തീയതിക്കകം യോഗ്യത തെളിയിക്കുന്നതിനുള്ള രേഖകൾ ഹാജരാക്കാമെന്നുറപ്പുണ്ടെങ്കിൽ പരീക്ഷയെഴുതി ഫലം കാത്തിരിക്കുന്നവരെയും അവസാന വർഷ വിദ്യാർഥികളെയും പരിഗണിക്കും. 

എൻസിസി ബി/സി സർട്ടിഫിക്കറ്റ് അഭിലഷണീയ യോഗ്യതയാണ്.

ശാരീരിക യോഗ്യത: 

പുരുഷൻമാർ: ഉയരം: 165 സെമീ. 

നെഞ്ചളവ്: 81 സെമീ. (വികാസം കുറഞ്ഞത് അഞ്ചു സെ.മീ.)

തൂക്കം: 50 കി.ഗ്രാം

സ്‌ത്രീകൾ: ഉയരം: 157 സെമീ. തൂക്കം: 46 കി.ഗ്രാം. 

തിരഞ്ഞെടുപ്പ് രീതി: എഴുത്തുപരീക്ഷ, ഫിസിക്കൽ സ്‌റ്റാൻഡേർഡ്/ഫിസിക്കൽ എഫിഷ്യൻസി ടെസ്‌റ്റ്, മെഡിക്കൽ സ്‌റ്റാൻഡേർഡ്‌സ് ടെസ്‌റ്റ്, ഇന്റർവ്യൂ/പഴ്‌സനാലിറ്റി ടെസ്‌റ്റ് എന്നിവയുടെ അടിസ്‌ഥാനത്തിലാണു തിരഞ്ഞെടുപ്പ്. 

എഴുത്തുപരീക്ഷ: ഓഗസ്റ്റ് 18ന് പരീക്ഷ നടക്കും. രണ്ടു പേപ്പറുകളുണ്ട്. രാവിലെയും ഉച്ചയ്ക്കുമായിട്ടാണ് പരീക്ഷ. പരീക്ഷയുടെ വിശദമായ സിലബസിനു വെബ്‌സൈറ്റിലെ വിജ്‌ഞാപനം കാണുക. 

പരീക്ഷാകേന്ദ്രങ്ങൾ: തിരുവനന്തപുരത്തും കൊച്ചിയിലും പരീക്ഷാകേന്ദ്രമുണ്ട്.  

ശാരീരികക്ഷമതാ പരീക്ഷ: ഇനി പറയുന്ന ഇനങ്ങളുണ്ടാകും. പുരുഷന്മാർക്കും സ്‌ത്രീകൾക്കും ഇനങ്ങൾ വ്യത്യസ്‌തമാണ്.

പുരുഷന്മാർ: 

1. 16 സെക്കൻഡിനകം 100 മീറ്റർ ഓട്ടം

2. 3.45 മിനിറ്റിനകം 800 മീറ്റർ ഓട്ടം

3. ലോങ് ജംപ്: മൂന്നര മീറ്റർ(മൂന്ന് അവസരം)

4. ഷോട്ട്‌പുട്ട്: (7.26 കി.ഗ്രാം): നാലര മീറ്റർ.

സ്‌ത്രീകൾ: 

1. 18 സെക്കൻഡിനകം 100 മീറ്റർ ഓട്ടം.

2. 4.45  മിനിറ്റിനകം 800 മീറ്റർ ഓട്ടം.

3. ലോങ് ജംപ്: മൂന്ന് മീറ്റർ (മൂന്ന് അവസരം)

കായികക്ഷമതാ പരീക്ഷയിൽ ഗർഭിണികളെ പങ്കെടുപ്പിക്കില്ല. ഇവരെ അയോഗ്യരാക്കും.

അപേക്ഷാഫീസ്: 200 രൂപ. ഏതെങ്കിലും എസ്‌ബിഐ ശാഖയിൽ നേരിട്ടോ  നെറ്റ് ബാങ്കിങ് സൗകര്യം ഉപയോഗിച്ചോ വിസാ/മാസ്‌റ്റർ/ഡെബിറ്റ്/ക്രെഡിറ്റ് കാർഡ് മുഖേനയോ  ഫീസടയ്‌ക്കാം.

സ്‌ത്രീകൾക്കും പട്ടികജാതി/വർഗക്കാർക്കും ഫീസില്ല. ഒബിസിക്കാർ മുഴുവൻ ഫീസും അടയ്‌ക്കണം.

അപേക്ഷിക്കേണ്ട വിധം: www.upsconline.nic.in എന്ന വെബ്‌സൈറ്റ് മുഖേന ഓൺലൈൻ അപേക്ഷ സമർപ്പിക്കാം. ഉദ്യോഗാർഥികൾ ഒരപേക്ഷ സമർപ്പിച്ചാൽ മതി. ഒന്നിൽ കൂടുതൽ അപേക്ഷകൾ പരിഗണിക്കില്ല. ഓൺലൈൻ അപേക്ഷ സമർപ്പിക്കുന്നതു സംബന്ധിച്ച വിശദവിവരങ്ങൾ വെബ്‌സൈറ്റിൽ ലഭിക്കും. അപേക്ഷകർക്ക് ഇമെയിൽ വിലാസം ഉണ്ടായിരിക്കണം. 

വിശദവിവരങ്ങൾക്ക് : www.upsconline.nic.in