നേവിയിൽ 172 ചാർജ്മാന്, ശമ്പളം: 35,400-1,12,400 രൂപ
Mail This Article
ഇന്ത്യൻ നേവിയിൽ വിവിധ കമാൻഡുകളിലായി ചാർജ്മാന് (മെക്കാനിക്), ചാർജ്മാന് (അമ്യൂണിഷൻ ആൻഡ് എക്സ്പ്ലോസീവ്) ജനറൽ സെൻട്രൽ സർവീസ്, ഗ്രൂപ്പ് ബി, നോൺ-ഇൻഡസ്ട്രിയൽ നോൺ-ഗസറ്റഡ് തസ്തികയിലെ ഒഴിവുകളിലേക്ക് സിവിലിയൻ എൻട്രൻസ് ടെസ്റ്റ് നടത്തുന്നു. 172 ഒഴിവുകളുണ്ട്. ഒാൺലൈനായി അപേക്ഷിക്കണം.
അപേക്ഷ സ്വീകരിക്കുന്ന അവസാന തീയതി: മേയ് 26.
പരസ്യനമ്പർ: INCET- CM (MECH) & CM (AMMN & EXPL)- 03/2019
തസ്തിക, യോഗ്യത എന്നിവ ചുവടെ.
ചാർജ്മാന് (മെക്കാനിക്): മെക്കാനിക്കൽ/ഇലക്ട്രിക്കൽ/ഇലക്ട്രോണിക്സ്/പ്രൊഡക്ഷൻ എൻജിനീയറിങ്ങിൽ ഡിപ്ലോമ, സമാന മേഖലയിൽ രണ്ട് വർഷത്തെ പ്രവൃത്തിപരിചയം.
ചാർജ്മാന് (അമ്യൂണിഷൻ ആൻഡ് എക്സ്പ്ലോസീവ്): കെമിക്കൽ എൻജിനീയറങ്ങിൽ ഡിപ്ലോമ, സമാന മേഖലയിൽ രണ്ട് വർഷത്തെ പ്രവൃത്തിപരിചയം.
പ്രായം: 30 വയസ് കവിയരുത്. 2019 മേയ് 26 അടിസ്ഥാനമാക്കി പ്രായം കണക്കാക്കും. പട്ടികവിഭാഗത്തിന് അഞ്ചും ഒബിസിക്ക് മൂന്നും ഭിന്നശേഷിക്കാർക്ക് പത്തും വർഷം ഉയർന്ന പ്രായപരിധിയിൽ ഇളവ് അനുവദിക്കും. മറ്റർഹരായവർക്ക് ചട്ടപ്രകാരം ഇളവ് ലഭിക്കും.
ശമ്പളം: 35400-112400 രൂപ (ലെവൽ 6, 7th സിപിസി പ്രകാരം).
അപേക്ഷാഫീസ്: 205 രൂപ. പട്ടികവിഭാഗം, ഭിന്നശേഷിക്കാർ, വിമുക്തഭടൻമാർ, സ്ത്രീകൾ എന്നിവർക്ക് ഫീസില്ല. ഒാൺലൈനായി ഫീസടയ്ക്കണം.
തിരഞ്ഞെടുപ്പ്: കംപ്യൂട്ടർ ബേസ്ഡ് ഒാൺലൈൻ എക്സാം, ഡോക്യുമെന്റ് വെരിഫിക്കേഷൻ എന്നിവയുടെ അടിസ്ഥാനത്തിലാണ് തിരഞ്ഞെടുപ്പ്.
അപേക്ഷിക്കേണ്ട വിധം: www.joinindiannavy.gov.in >> Join Navy >> Ways to join >> Civilians >> Chargeman (Mech) & Chargeman (Ammn & Explosive) എന്ന ലിങ്ക് വഴി ഒാൺലൈൻ അപേക്ഷ സമർപ്പിക്കാം. അപേക്ഷ അയയ്ക്കുന്ന സമയത്ത് താഴെ പറയുന്നവ സ്കാൻ ചെയ്ത് അപ്ലോഡ് ചെയ്യണം.
i) വെളുത്ത പശ്ചാത്തലത്തിലുള്ള പാസ്പോർട്ട് സൈസ് കളർ ഫോട്ടോ (20 kb-50 kb സൈസ്)
ii) വെള്ളക്കടലാസിൽ കറുത്ത മഷികൊണ്ട് എഴുതിയ ഒപ്പ് (10 kb-20 kb സൈസ്)
iii) ജാതി/EWS സർട്ടിഫിക്കറ്റ്
iv) ജനന/മെട്രിക്കുലേഷൻ/എസ്എസ്സി സർട്ടിഫിക്കറ്റ്
v) യോഗ്യതാ സർട്ടിഫിക്കറ്റുകൾ
vi) പ്രവൃത്തിപരിചയ സർട്ടിഫിക്കറ്റുകൾ
vii) ഭിന്നശേഷിക്കാർ ബാധകമായ സർട്ടിഫിക്കറ്റ്
ഉദ്യോഗാർഥികൾ ഒരു തസ്തികയിലേക്ക് ഒന്നിലേറെ അപേക്ഷ അയയ്ക്കേണ്ടതില്ല. വിശദവിവരങ്ങൾക്ക് www.joinindiannavy.gov.in. എന്ന വെബ്സൈറ്റിലെ വിജ്ഞാപനം കാണുക വെബ്സൈറ്റിലെ വിവരങ്ങൾ മനസിലാക്കിയതിനു ശേഷം മാത്രം അപേക്ഷിക്കുക.