sections
MORE

കരസേന റിക്രൂട്‌മെന്റ് റാലി കോട്ടയത്ത്

Army_recruitment
SHARE

കേരളത്തിലെ തെക്കൻ ജില്ലകളിൽ നിന്നുള്ള യുവാക്കൾക്കായുള്ള കരസേന റിക്രൂട്ട്മെന്റ് റാലി കോട്ടയത്ത്. ഡിസംബർ 2 മുതൽ 11 വരെ വരെയാകും റിക്രൂട്മെന്റ്.

കോട്ടയം നെഹ്റു സ്റ്റേഡിയത്തിൽ നടക്കുന്ന കരസേന റിക്രൂട്മെന്റ് റാലിക്കുള്ള ഓ‍ൺലൈൻ റജിസ്ട്രേഷൻ ഒക്ടോബർ മൂന്നിന് ആരംഭിക്കും. നവംബർ 16 വരെ www.joinindianarmy.nic.in ൽ അപേക്ഷിക്കാം.

തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം എന്നീ 7 ജില്ലകളിൽ നിന്നുള്ളവർക്കാണ് അവസരം. സോൾജിയർ ജനറൽ ഡ്യൂട്ടി, സോൾജിയർ ടെക്നിക്കൽ, സോൾജിയർ ക്ലാർക്ക്/സ്റ്റോർകീപ്പർ ടെക്നിക്കൽ, സോൾജിയർ ട്രേഡ്സ്മെൻ, സോൾജിയർ ടെക്നിക്കൽ (നഴ്സിങ് അസിസ്റ്റന്റ്) തസ്തികളിലേക്കാണു റാലി.

നേരത്തെ കരസേന  വെബ്സൈറ്റിൽ പ്രസിദ്ധീകരിച്ച 2019– 20 വർഷത്തെ റിക്രൂട്മെന്റ് പ്രാഥമിക ഷെഡ്യൂളിൽ തെക്കൻ ജില്ലകളിലേക്കുള്ള റാലി നവംബർ 25 മുതൽ ഡിസംബർ 4 വരെ വരെ കൊല്ലത്തു നടത്തുമെന്നാണ് അറിയിച്ചിരുന്നത്. വടക്കൻ ജില്ലകളിൽ നിന്നുള്ള ഉദ്യോഗാർഥികൾക്കായുള്ള ആർമി റിക്രൂട്മെന്റ് റാലി തൃശൂരിലാണ്. 

റിക്രൂട്മെന്റുമായി ബന്ധപ്പെട്ട്് ഏതെങ്കിലും വ്യക്തിയുടെയോ, സ്ഥാപനത്തിന്റെയോ സഹായ വാഗ്ദാനങ്ങളിൽപെട്ട്് വഞ്ചിതരാകരുതെന്ന് ആർമി റിക്രൂട്ടിങ് ഓഫിസ് അറിയിച്ചു. റിക്രൂട്മെന്റിന്റെ കൂടുതൽ വിവരങ്ങൾക്ക്: 0471-2351762 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN JOBS & CAREER
SHOW MORE
FROM ONMANORAMA