sections
MORE

706 ഫയർ ഓപ്പറേറ്റർ, ശമ്പളം: 5200–20200+ഗ്രേഡ് പേ 2000 രൂപ

Job
SHARE

ഡൽഹി സബോർഡിനേറ്റ് സർവീസസ് സിലക്‌ഷൻ ബോർഡിന്റെ ഫയർ സർവീസ് ഡിപാർട്ട്മെന്റിൽ ഫയർ ഓപ്പറേറ്ററുടെ 706 ഒഴിവുകളുണ്ട്. പുരുഷന്മാർക്കാണ് അവസരം. പരസ്യ നമ്പർ: 04/19.

യോഗ്യത: മെട്രിക്കുലേഷൻ ജയം/തത്തുല്യം, ഹെവി ഡ്യൂട്ടി വെഹിക്കിൾ ഡ്രൈവിങ് ലൈസൻസ്, ശാരീരികക്ഷമതാ പരീക്ഷയും, ഡ്രൈവിങ് ടെസ്‌റ്റും, എഴുത്തു പരീക്ഷയും പാസാകണം.

ശാരീരിക യോഗ്യത: ഉയരം: 165 സെ.മീ, തൂക്കം: 50 കിലോ,  നെഞ്ചളവ്: 81–86.5 സെ.മീ., കാഴ്‌ചശക്‌തി 6/6.

കണ്ണടയുള്ളവർ/കോങ്കണ്ണ്/വർണാന്ധത/പരന്ന പാദം, കൂട്ടിമുട്ടിക്കുന്ന കാൽമുട്ട്, മറ്റേതെങ്കിലും തരത്തിലുള്ള വൈകല്യങ്ങൾ എന്നിവയുള്ളവരെ പരിഗണിക്കില്ല. യോഗ്യത സംബന്ധിച്ച കൂടുതൽ വിവരങ്ങൾക്ക് വെബ്‌സൈറ്റ് കാണുക.

പ്രായപരിധി: 27 വയസ്. അർഹരായവർക്ക് ഉയർന്ന പ്രായപരിധിയിൽ ചട്ടപ്രകാരം ഇളവു ലഭിക്കും.

യോഗ്യത, പ്രായം, പ്രവൃത്തിപരിചയം എന്നിവ അപേക്ഷ സ്വീകരിക്കുന്ന അവസാന തീയതി അടിസ്ഥാനമാക്കി കണക്കാക്കും.

ശമ്പളം: 5200–20200+ഗ്രേഡ് പേ 2000 രൂപ.

തിരഞ്ഞെടുപ്പ്: എഴുത്തു പരീക്ഷ, ഫിസിക്കൽ എൻഡുറൻസ് ടെസ്റ്റ് എന്നിവ അടിസ്ഥാനമാക്കിയാണു തിര‍ഞ്ഞെടുപ്പ്. ഡൽഹി/എൻസിആർ എന്നിവിടങ്ങളിലാണു പരീക്ഷാകേന്ദ്രം.

അപേക്ഷാഫീസ്: 100 രൂപ. പട്ടിക വിഭാഗം, വിമുക്‌തഭടന്മാർക്ക് ഫീസില്ല. 

എസ്‌ബിഐ ഇ–പേ മുഖേന ഒാൺലൈനായി ഫീസടയ്‌ക്കാം. 

അപേക്ഷിക്കേണ്ട വിധം: www.dsssbonline.nic.in എന്ന വെബ്‌സൈറ്റ് മുഖേന ഓൺലൈൻ അപേക്ഷ സമർപ്പിക്കാം. 

വിജ്ഞാപനത്തിന്റെ പൂർണരൂപം www.dsssb.delhi.gov.in എന്ന വെബ്സൈറ്റിലും ലഭിക്കും. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN JOBS & CAREER
SHOW MORE
FROM ONMANORAMA